2030 jylǧa qarai Almaty qalasynyŋ poliortalyqtarynyŋ qūrylymy tolyq qalyptasady. Būl turaly Almaty qalasy äkımınıŋ orynbasary Mūhit Äzırbaev aitty, dep habarlaidy "Adyrna" ūlttyq portaly inform.kz-ke sılteme jasap.
Spikerdıŋ aituynşa «Şyǧys qaqpasy» poliortalyǧy halyqaralyq äuejai men «Batys Europa - Batys Qytai» trassasyna jaqyn bolǧan soŋ, ırı multimodaldyq kölık - auysyp otyru toraby bar logistikalyq habqa ainalady.
«Onyŋ qūramyna LRT stansiiasy, «Vostochnyi« avtovokzaly, qala maŋyndaǧy qoǧamdyq kölıkpen bırıktırılgen BRT jelısı kıredı. Mūnda körme - oiyn-sauyq ortalyǧy, tūrǧyn üi jäne äleumettık infraqūrylymy bar jaŋa rekreasiialyq aimaqty ornalastyru josparlanuda. "Batys"poliortalyǧynda İndustriialyq aimaqtyŋ aumaǧyn keŋeitu boljanyp otyr. Boraldai kentınde «Almaty – 3» vokzaly ornalasatyn bolady, onyŋ bazasynda kölık-logistikalyq habty damytuǧa bolady. «Saq qorǧandary» etnografiialyq baqtyŋ ainalasyndaǧy infraqūrylym damidy. Bügınde audany 90 ga jelılık rekreasiialyq baq, sondai-aq qajettı infraqūrylymy bar tūrǧyn üi kvartaldary qūryldy», - dedı Mūhit Äzırbaev.Sondai-aq ol «Oŋtüstık-batys» poliortalyǧynda būrynnan bar nysandardy qaita formattau, «Altyn Orda» sauda bazaryn köterme-taratu ortalyǧy etıp qaita qūru, «Barlyq» bazarynyŋ ornyna «Batys» avtovokzalyn, LRT stansiiasyn jäne metropolitendı qamtityn ırı multimodaldyq kölık-auysyp otyru torabyn qūru josparlanǧanyn aitty.
«Tarihi ortalyqtyŋ» şekarasynda abattandyru jūmystary jalǧasady jäne tarihi-mädeni mūraǧa jatatyn ǧimarattardy qalpyna keltıru jönındegı baǧdarlama qabyldanady, sondai-aq, injenerlık jelıler jaŋartylady. Velojoldardy töseu jalǧasady, aqyly tūraq oryndary ūlǧaitylady. «Tarihi ortalyqqa» ırgeles önerkäsıptık käsıporyndar men arnaiy mekemeler (AZTM, Kirov atyndaǧy zauyt, SİZO) köşırıletın bolady, olar men eskı tūrǧyn üilerdıŋ ornyna zamanaui ülgıdegı kvartaldy qūrylys pen jaŋa ıskerlık klaster paida bolady», - dedı spiker.Onyŋ aituynşa, Almatyda poliortalyqtardy damytudan basqa, qalpyna keltıruge bolatyn nemese bolmaityn eskırgen tūrǧyn üilerdı revitalizasiiaǧa köŋıl bölınedı. 2022 jyldyŋ soŋyna deiın eskı üilerdı qalpyna keltırudıŋ qalalyq baǧdarlamasy bekıtıledı. Sonymen qatar Sain, Momyşūly, Altynsarin köşelerı men basqa da şaǧyn audandardyŋ köşelerınde promenadtar qoiylatyn boldy.
"Adyrna" ūlttyq portaly
