Bügın belgılı saiasatker, qoǧam qairatkerı Altynbek Särsenbaiūly közı tırı bolǧanda 60 jasqa tolar edı.
Altynbek Särsenbaiūly — 1962 jyly 12 qyrküiekte Almaty oblysy, Raiymbek audany, Qainar auylynda düniege kelgen. Qazaqstannyŋ memleket jäne qoǧam qairatkerı, diplomat, jurnalist.
1992 jyldan bastap Prezident apparatynda, QR Ministrler Kabinetınde jauapty qyzmetter atqardy.
1993 jyldan Baspa jäne aqparat ministrı, 1995 jyldan Baspa jäne aqparat jönındegı Ūlttyq agenttıktıŋ töraǧasy, 1997 jyldan Qoǧamdyq kelısım jäne aqparat ministrı, 1999 jyldan QR qoǧamdyq kelısım, aqparat jäne mädeniet ministrı boldy.
2001 jyldyŋ mamyrynan jeltoqsanyna deiın Qazaqstan Respublikasy Qauıpsızdık keŋesınıŋ hatşysy — Qazaqstan Respublikasy Prezidentınıŋ Ūlttyq Qauıpsızdık jönındegı kömekşısı. 2002 jyldyŋ qaŋtarynan diplomatiialyq qyzmette, Resei Federasiiasyndaǧy Qazaqstan Respublikasynyŋ Tötenşe jäne Ökılettı Elşısı qyzmetın atqardy. 2003 jyldan bastap A.Särsenbaiūly öz erkımen Prezidentke otstavkaǧa şyǧuǧa aryz berıp, qoǧamdyq-saiasi qyzmetpen ainalysty.
2003 jyldyŋ qaraşa aiynda «Aq jol» Demokratiialyq partiiasynyŋ III sezınde bırauyzdan teŋ töraǧa etıp sailandy. 2005 jyldyŋ säuırınen «Naǧyz Aq Jol» Qazaqstan Demokratiialyq partiiasynyŋ teŋ töraǧasy.
2006 jyldyŋ 11 aqpanynda Altynbek Särsenbaiūlyn kömekşısı Bauyrjan Baibosynov jäne jürgızuşısı Vasilii Juravlevpen bırge Almaty qalasynyŋ syrtynda Qazaqstannyŋ ūlttyq qauıpsızdık komitetınıŋ arnaiy toby ofiserlerınıŋ qatysuymen jasalǧan qastandyqtyŋ nätijesınde qaza boldy.
"Adyrna" ūlttyq portaly
