Jambyl aýdany Uzynaǵash aýyldyq okrýginiń ákimi Beısenbekov Baqyt Ryskeldiuly óńirlik konkýrstyq komıssııanyń sheshimimen Almaty oblysyndaǵy «Úzdik aýyl ákimi» atandy. Ol baıqaýda bes aýyldyń ákiminen úzdik bop shyqqan.
Esterińizge sala keteıik, «Úzdik aýyl ákimi» respýblıkalyq baıqaýynyń maqsaty jumysta joǵary praktıkalyq nátıjelerge qol jetkizgen, aýyldyq eldi mekenderdiń damýyna eleýli úles qosqan úzdik aýyl ákimderin anyqtaý jáne marapattaý.
Baqyt Ryskeldiulynyń aıtýynsha, 2010 jyly eńbek joly kindik qany tamǵan jerden aýyl ákimi bolyp bastaǵan. 2021 jyldyń sáýir aıynda Uzynaǵash aýyldyq okrýginiń ákimi bop saılandy.
Aıta keterligi aýyldyq okrýgte jergilikti halyqtyń ál-aýqatyn, materıaldyq jaǵdaıyn, halyqtyń áleýmettik qorǵalýyn jaqsartýǵa baǵyttalǵan aýqymdy jumystar júrgizilýde.
«Aýylda 2,5 myń turǵyn bolǵanymen, jumys kólemi i 55 myńǵa jýyq adam turatyn aýyldyq okrýgtermen birdeı. Búginde óńirde turǵyndardy úımen qamtamasyz etý bmaqsatynda jumystar júrgizilýde, aýyldyq okrýgte kóppáterli úılerdiń qurylysy júrip jatyr. Alty bes qabatty úılerdiń qurylysy aıaqtalýǵa jaqyn jáne úsh bes qabatty úılerge arnalǵan qazanshuńqyrlar salynýda. Sondaı-aq, Uzynaǵash aýyldyq okrýginiń úlken problemasy 1970 jyly salynyp, 90 paıyzy tozyǵy jekten káriz júıeleriniń máselesi de basty nazarda. Sonymen qatar, úsh aýysymdy mektepterdi boldyrmaý úshin júıeli jumys júrgizilip jatyr. Qazir 1500 oryndyq mektep salynyp jatyr, 2023 jyly paıdalanýǵa beriledi dep kútilýde. Uzynaǵash aýylynda barlyǵy 8 mektep bar, olar 120% - ǵa júktelgen, sondyqtan 600 oryndyq bir mektepti salý josparda ba», - dep atap ótti aýyl ákimi.
Ákim Uzynaǵash aýylynyń turǵyndaryn káriz jelisimen qamtamasyz etýge erekshe kóńil bólip otyr. Aıta keterligi káriz jelileriniń jalpy uzyndyǵy 21,8 shaqyrym, súzgi alańynyń aýdany 14 ga. Aýylda 2021 jyldan bastap, káriz júıelerin qaıta qurý jáne salý jobasy daıyndalýda. Búginde saraptamaǵa berilip, joba quny shamamen 7 mlrd teńgege jetken. Aıasynda aýdany 130 ga súzý alańdary jáne uzyndyǵy 81 shaqyrym káriz jelisi salynbaq. Jańa káriz júıesi 100 bıýdjettik jáne ákimshilik ǵımarat pen jeke qosalqy sharýashylyqtyń 5 myń aýlasyna qyzmet kórsetýge eseptelgen. 10 myńnan astam úı káriz jelisimen qamtylady dep kútilýde.
Sondaı-aq, aýyldyq okrýgti sýmen jabdyqtaýdyń úshinshi kezegi aıaqtalǵan. 2024 jylǵa qaraı aýyl 100 proent taza aýyz sýmen qamtylmaq Turǵyndardyń materıaldyq ál-aýqatyn jaqsartý boıynsha jumystar belsendi jalǵasýda. Aldaǵy ýaqytta kóshe jaryǵyn qaıta qurý, jańa qurylystardy tolyq elektrlendirý, saıabaqty qaıta qurý syndy basqa da jumystar atqarylmaq.
