Almaty oblysy Talǧar audanyndaǧy qoqys üiındısıne şyqqan iıske tūrǧyndar şaǧymdanuda, dep habarlaidy " Adyrna" tılşısı.
Jergılıktı halyq iısın bylai qoiǧanda, eldı mekende egeuqūiryqtardyŋ qatap ketkenın aityp älek. Al, poligon iesı biznesı üşın alaŋdauda.
Poligon auyldan şamamen jüz metrdei jerde ornalasqan. Qoqystyŋ iısı bükıl auylǧa jaiylyp, tūrǧyndar tereze aşa almaityn jaǧdaiǧa jetken. İıs öz aldyna auyldy egeuqūiryqtar jailai bastaǧandyqtan tūrǧyndar poligondy jabudy nemese ornyn basqa jerge auystyrudy talap etude.
“Qoqys alaŋy üiımızden jüz-aq metr jerde ornalasqan. Oǧan jinalǧan jändıkter, qūstar men egeuqūiryqtar türlı infeksiia taratady. Qaldyqtar sıŋgen jerden bız su ışıp otyrmyz. Qazır syrqattanǧan balalar men qariialar köp. Al būl poligonǧa qarap jatqan eşkım joq. Jinalmai şaşylyp jatyr",- dedı Talǧar audanynyŋ tūrǧyny Janna Kim.Jospar boiynşa būl jerde qoqys alaŋy emes, kerısınşe qoqysty öŋdeitın zauyt salynuy qajet bolǧan. Bıraq sol küiı qūrylys bastalmaǧan eken. Saldarynan käsıpker äkımdık bölıp bergen jerge qoqys töguge kırısken. Ekologtar qazır poligonnyŋ 1 gektardan astam jerdı alyp jatqanyn aitty.
“Zertteudıŋ nätijesı boiynşa auanyŋ ekologiialyq ta, sanitarlyq ta talaptarǧa sai emes ekenı anyqtaldy. Auadaǧy mys pen myryş 8-8,5 paiyzǧa artyq. Ärı poligon qorşalmaǧan. Jer asty sularynyŋ lastanu deŋgeiın baqylaityn arnaiy qūrylǧylar da ornatylmapty. Mūnyŋ bärı eldıŋ densaulyǧyna ziian”,- dedı Talǧar audany boiynşa ekologiialyq keŋestıŋ töraǧasy Miras Baiseiıtov.
Ūqsas jaŋalyqtar
