Almaty oblysy Talǵar aýdanyndaǵy qoqys úıindisine shyqqan ıiske turǵyndar shaǵymdanýda, dep habarlaıdy " Adyrna" tilshisi.
Jergilikti halyq ıisin bylaı qoıǵanda, eldi mekende egeýquıryqtardyń qatap ketkenin aıtyp álek. Al, polıgon ıesi bıznesi úshin alańdaýda.
Polıgon aýyldan shamamen júz metrdeı jerde ornalasqan. Qoqystyń ıisi búkil aýylǵa jaıylyp, turǵyndar tereze asha almaıtyn jaǵdaıǵa jetken. Iis óz aldyna aýyldy egeýquıryqtar jaılaı bastaǵandyqtan turǵyndar polıgondy jabýdy nemese ornyn basqa jerge aýystyrýdy talap etýde.
“Qoqys alańy úıimizden júz-aq metr jerde ornalasqan. Oǵan jınalǵan jándikter, qustar men egeýquıryqtar túrli ınfekııa taratady. Qaldyqtar sińgen jerden biz sý iship otyrmyz. Qazir syrqattanǵan balalar men qarııalar kóp. Al bul polıgonǵa qarap jatqan eshkim joq. Jınalmaı shashylyp jatyr",- dedi Talǵar aýdanynyń turǵyny Janna Kım.
Jospar boıynsha bul jerde qoqys alańy emes, kerisinshe qoqysty óńdeıtin zaýyt salynýy qajet bolǵan. Biraq sol kúıi qurylys bastalmaǵan eken. Saldarynan kásipker ákimdik bólip bergen jerge qoqys tógýge kirisken. Ekologtar qazir polıgonnyń 1 gektardan astam jerdi alyp jatqanyn aıtty.
“Zertteýdiń nátıjesi boıynsha aýanyń ekologııalyq ta, sanıtarlyq ta talaptarǵa saı emes ekeni anyqtaldy. Aýadaǵy mys pen myrysh 8-8,5 paıyzǵa artyq. Ári polıgon qorshalmaǵan. Jer asty sýlarynyń lastaný deńgeıin baqylaıtyn arnaıy qurylǵylar da ornatylmapty. Munyń bári eldiń densaýlyǵyna zııan”,- dedi Talǵar aýdany boıynsha ekologııalyq keńestiń tóraǵasy Mıras Baıseıitov.
