QR Premer-Ministrı Älihan Smaiylov käsıpkerlık qyzmette «taza paraqtan bastap» retteudı engızu jäne memlekettık baqylau men qadaǧalaudy avtomattandyru jönınde keŋes ötkızdı, dep habarlaidy « Adyrna» tılşısı.
Ūlttyq ekonomika ministrı Älıbek Quantyrov kölık, sauda, qoǧamdyq tamaqtanu, qonaq üi qyzmetterı, jyljymaityn mülıkpen operasiialar, tau-ken öndıru önerkäsıbı, kompiuterlık baǧdarlamalau, tūtynuşylardyŋ qūqyqtaryn qorǧau, aqparat jäne bailanys salalaryndaǧy retteuşı aktılerge jürgızılgen taldau aiaqtalǧanyn atap öttı.
Onyŋ qorytyndysy boiynşa anyqtalǧan 22 myŋnan astam talaptyŋ şamamen 3,8 myŋy (17%) jaŋa retteuşılık saiasattyŋ bazalyq şarttaryna säikes kelmeidı, sondyqtan olardyŋ küşı joiylady nemese qaita qaralady.
Osy jūmystyŋ bırınşı kezeŋı aiasynda taǧy jetı sala boiynşa taldau jalǧasyp jatyr. Būl auyl şaruaşylyǧy, qoimalau, qūbyr kölıgı, qūrylys, avtomobilder men motosiklderdı jöndeu, köşı-qon, avtorlyq qūqyq jäne aralas qūqyqtarǧa qatysty.
Premer-Ministr tiıstı üilestırudıŋ bolmauynan keibır memlekettık organdar belgılengen merzımderdı saqtamaitynyn jäne būl bekıtılgen jospar-kestenı oryndaudy keşıktıretının atap öttı.
«Būl reformanyŋ maŋyzdy ekenın taǧy da qaitalaimyn. Ünemı keiınge qaldyra beruge bolmaidy, būl turaly qanşa aituǧa bolady? Barlyq negızsız talaptardy tezırek alyp tastauymyz kerek. Retteuşı aktıler boiynşa barlyq jūmysty biyl aiaqtau qajet», — dedı Älihan Smaiylov.Premer-Ministr bizneske qoiylatyn jaŋa talaptardy engızude öte mūqiiat bolu kerektıgın aitty.
«Jaŋadan qabyldanatyn retteuşılık talaptarǧa baqylaudy küşeituımız kerek. Eger "Atameken" ŪKP tarapynan qandai da bır mäsele boiynşa kelıspeuşılık bolsa, onda būl mäselenı şeşu kerek, būǧan köz jūma qarauǧa bolmaidy», — dedı Älihan Smaiylov.Sonymen qatar otyrysta memlekettık baqylau jüiesın tolyq avtomattandyruǧa köşu aiasynda memlekettık organdardyŋ aqparattyq jüielerın taldau aiaqtalyp, salalyq täuekelder matrisalary qalyptastyrylǧany atap ötıldı. Bügıngı taŋda «Smart Data Ukimet» aqparattyq-taldau jüiesı jaŋartylyp jatyr, ony 2023 jyldyŋ ortasynda paidalanuǧa beru josparlanyp otyr. Sondai-aq Premer-Ministr būl jūmysty jandandyrudy jäne memlekettık organdarmen kelısu merzımderın qysqartudy qaita qaraudy tapsyrdy.
Ūqsas jaŋalyqtar
