Belgili kásipker Marǵulan Seısembaı Toqaev joldaýyna qatysty óz pikirin bildirip, odan aınalasyndaǵy sheneýnikterden tezirek qutylýyn surady. Bul týraly "Adyrna" ulttyq portaly.
"Toqaevtyń joldaýynan beri birneshe kún ótti. Qoǵamda ásirese prezıdent saılaýy men jeti jyldyq merzimge qatysty qyzý talqylaý júrip jatyr. Kezekten tys prezıdent saılaýyn ótkizý qajettiligine negizgi argýment retinde reformalar aldynda prezıdent mandatyn jańadan bastaý nemese qaıtadan rastaý qajettiligi aıtylady. Birinshiden, Toqaevqa óziniń keńesshi symaqtaryn tyńdamaý kerek edi. Toqaevtyń aınalasyndaǵy barlyq sheneýnikter keńestik ınjenerler sııaqty. Olar ne jasasa da, túbinde báribir Kalashnıkov avtomaty shyǵady. Qazir de solaı, olar kezekten tys prezıdent saılaýy jáne konstıtýııany birjaqty ózgerte salý arqyly ókilettigin uzartýdan basqa artyq eshteńe oılap tappady. Ne ekseń, sony orasyń degen osy. Ekinshiden, durys reformalar jasaý úshin jańa mandat qajet emes. Durys reforma jasasań, saǵan degen halyqtyń senimi artyp, mandatyń avtomatty túrde nyǵaıa túsedi. Sondyqtan bul jaı ǵana óz ókilettigin uzartýdyń syltaýy. Al bul Toqaevqa degen senimdi tómendetedi. Qurmetti keńesshiler, sizder artyq qylam dep tyrtyq qyldyńyzdar. Prezıdent myrza, mundaı saıası keńesshi symaqtaryńyzdy jelkelep qýyp shyǵyńyz", - deıdi kásipker.
Kásipker Toqaevtan kútetin naqty áreketterge toqtaldy.
"Qalaı istegen durys bolar edi? 1. Toqaev «qolshoqpar» parlament arqyly barlyq qajetti zańdardy qabyldaıdy. «Partııalar týraly», «Saılaý týraly», «Ortalyq saılaý komıssııasy týraly», «Táýelsiz BAQ týraly», «Mıtıngter men sherýler týraly» jáne taǵy basqa. 2. Sodan soń, Toqaev parlament saılaýy ótetini jóninde habarlap, saılaýdy kelesi jyldyń kúzine qoıady. 3. Konstıtýııaǵa sáıkes 2024 jyly ózi prezıdent saılaýyna qatysady. Eger ol dál osylaı istegende, men onyń jeńiske jetetinine 100% senimdimin. Biraq birnárse durys bolmady. Qazirgi jaǵdaı maǵan múlde unap turǵan joq", - dedi Marǵulan Seısembaı.
"Adyrna" ulttyq portaly
