Bılım ministrı Ashat Aimaǧambetov qazaqstandyq mektepterde jaratylystanu-matematikalyq pänder boiynşa saǧattar köbeitıletının aitty, - dep habarlaidy "Adyrna" tılşısı.
"Prezident jaratylystanu-matematikalyq sikl jäne tıldık pänderge basymdyq berudı tapsyrdy. Matematika, fizika, himiia, biologiia pänderınıŋ saǧattary köbeiedı. Oqu baǧdarlamalary jaŋartylady. 2024 jyldan bastap halyqaralyq täjıribege säikes üşınşı synypta aǧylşyn tılın oqytu saǧattaryn ūlǧaitu jäne qazaq jäne orys tılderın meŋgeruge qajettı oqu jüktemesın qamtamasyz etu şaralary qabyldanady», - dedı ministr ükımet otyrysynda.Sondai-aq, onyŋ aituynşa, mektepterdıŋ qūrylysy kelesı jyly būryn bolmaǧan ülken kölemde bastalady.
«Mäselen, kelesı jyly bır ǧana elordamyzda osy joba aiasynda ärqaisysy ekı myŋ oquşyǧa eseptelgen 20 jaŋa mekteptıŋ qūrylysyn bastaudy josparlap otyrmyz», - dedı ministr.Ol Memleket basşysynyŋ tapsyrmasyna säikes äleumettık osal otbasylarda tūratyn balalar mektep formasymen tegın qamtamasyz etıletının naqtylady. Sondai-aq, onyŋ aituynşa, balalardy oqytuǧa biudjetten bölıngen qarajatty qamtityn bılım beru şoty engızıledı.
«Jaily mektep» ūlttyq jobasy boiynşa 800 myŋnan astam oquşy oryny engızıledı, būl üş auysymdy jäne apatty mektepter mäselesın şeşedı», - dep sendırdı Aimaǧambetov.Ol barlyq mektepter bıryŋǧai standart boiynşa salynyp, jabdyqtalatynyn atap öttı. "Joba aiasynda aşylǧan mektepter zamanaui kabinettermen tolyq qamtamasyz etıledı. Jaŋa mektepterde oqu oryndary köbırek bolady. Bastauyş jäne orta synyptar üşın de bölek bloktar qarastyrylǧan. Tiısınşe, olar jeke sport zaldary men ashanalarmen qamtamasyz etıledı", - dep tolyqtyrdy ol.
"Adyrna" ūlttyq portaly
Ūqsas jaŋalyqtar
