Bilim mınıstri Ashat Aımaǵambetov qazaqstandyq mektepterde jaratylystaný-matematıkalyq pánder boıynsha saǵattar kóbeıtiletinin aıtty, - dep habarlaıdy "Adyrna" tilshisi.
"Prezıdent jaratylystaný-matematıkalyq ıkl jáne tildik pánderge basymdyq berýdi tapsyrdy. Matematıka, fızıka, hımııa, bıologııa pánderiniń saǵattary kóbeıedi. Oqý baǵdarlamalary jańartylady.
2024 jyldan bastap halyqaralyq tájirıbege sáıkes úshinshi synypta aǵylshyn tilin oqytý saǵattaryn ulǵaıtý jáne qazaq jáne orys tilderin meńgerýge qajetti oqý júktemesin qamtamasyz etý sharalary qabyldanady», - dedi mınıstr úkimet otyrysynda.
Sondaı-aq, onyń aıtýynsha, mektepterdiń qurylysy kelesi jyly buryn bolmaǵan úlken kólemde bastalady.
«Máselen, kelesi jyly bir ǵana elordamyzda osy joba aıasynda árqaısysy eki myń oqýshyǵa eseptelgen 20 jańa mekteptiń qurylysyn bastaýdy josparlap otyrmyz», - dedi mınıstr.
Ol Memleket basshysynyń tapsyrmasyna sáıkes áleýmettik osal otbasylarda turatyn balalar mektep formasymen tegin qamtamasyz etiletinin naqtylady.
Sondaı-aq, onyń aıtýynsha, balalardy oqytýǵa bıýdjetten bólingen qarajatty qamtıtyn bilim berý shoty engiziledi.
«Jaıly mektep» ulttyq jobasy boıynsha 800 myńnan astam oqýshy oryny engiziledi, bul úsh aýysymdy jáne apatty mektepter máselesin sheshedi», - dep sendirdi Aımaǵambetov.
Ol barlyq mektepter biryńǵaı standart boıynsha salynyp, jabdyqtalatynyn atap ótti.
"Joba aıasynda ashylǵan mektepter zamanaýı kabınettermen tolyq qamtamasyz etiledi. Jańa mektepterde oqý oryndary kóbirek bolady. Bastaýysh jáne orta synyptar úshin de bólek bloktar qarastyrylǵan. Tıisinshe, olar jeke sport zaldary men ashanalarmen qamtamasyz etiledi", - dep tolyqtyrdy ol.
"Adyrna" ulttyq portaly
