«Ūlttyq ruhani jaŋǧyru» baǧdarlamasy qabyldanyp, ıske asuda. Būl baǧdarlamanyŋ Qazaqstan üşın maŋyzy zor, al Jaŋa Qazaqstan üşın qūndylyǧy tıptı joǧary. Nege? Sebebı Jaŋa Qazaqstandy qalyptastyru üşın, memlekettı qaita ruhani transformasiia jasau maŋyzdy. Tarihty tereŋ zertteu, tılge reforma jasau men ūlttyq ruhqa serpın beru, ūlttty ūiystyratyn baǧdarlamalar äzırlep, olardy ıske asyru özektı mäseleler qatarynda. «Ūlttyq ruhani jaŋǧyru» jobasynyŋ aiasynda «Tuǧan jer» jobasy ıske asyp jatyr.
«Ruhani jaŋǧyru» jobasy aiasyndaǧy maŋyzdy baǧdarlamalar latyn grafikasyn engızu bolyp tabylady. Qazırdıŋ özınde qazaqstandyqtar, äsırese, jastar arasynda latyn älıpbiın keŋınen qoldanu ıske asuda. Latyn älıpbiı älı naqtylanbady, soǧan qaramastan halyq arasynda būl özgerısterdı qoldaityndar az emes. Dükenderdıŋ ataularyn, nysandar men köşe attaryn, memlekettık organdardyŋ ataularyn latyn älıpbiıne auystyru ıske asuda.
«100 jaŋa tūlǧa» jobasy da sättı ıske asuda. Jobanyŋ maqsatyn qazaqstandyqtardy halyqqa tanytu. Būl joba öz ısınıŋ käsıbi mamandaryn köpşılıkke tanytu maqsatynda jasaqtaldy. Nätijesı jaman emes. Jüzdegen adam Qazaqstan qoǧamyna tanyldy, el olardyŋ erlıkterı men sättı jūmystaryn joǧary baǧalauda. Halyq tanyp, jūrt qūrmetteude. Joba barlyq janǧa bırdei mümkındık berıp keledı. Jetıstıkke jetken, käsıbi, adal jan bolsaŋ, olardyŋ qatarynan sız de tabyla alasyz. Būl är qazaqstandyqqa motivasiia beretın jobaǧa ainaldy.
«Qazaq tılındegı 100 jaŋa oqulyq» jobasy da otandyq barlyq joǧary oqu oryndarynyŋ qazaq bölımderınıŋ studentterı men respublikalyq audarmaşylar, filologtar, redaktorlar arasynda tanymal jobanyŋ bırı. Joba öte joǧary äleuetke ie jäne älemge tanylǧan 100 oqulyqtyŋ sapaly türde qazaq tılıne audaryluyna äser ettı. Sapasyz, maǧynasy özgergen oqulyqtar sörelerden alynyp tastaluda. Ornyn sapaly, älemdık tuyndylar basuda. Eŋ bastysy qazaq tılınde. Būl oqulyqtar Qazaqstannyŋ gumanitarlyq ǧylym salasyn damytuǧa öz äserın tigızıp jatyr. Qoǧamdyq ǧylymdar alǧa jyljyp keledı deuge tolyq negız bar.
Äleuetı zor taǧy bır ırı joba, basqalarmen salystyrǧanda elenbei qalǧan «Tuǧan jer» patriottyq baǧdarlamasy baryn da aituǧa tiıspız. Şyndyǧynda, baǧdarlama ideiasyna naǧyz patriottyq sezımdı tärbieleu ǧana emes, sonymen bırge özınıŋ ūlttyq mädeni-genetikalyq kodyn saqtau, Otanǧa degen parasattylyq pen emosionaldyq qatynasty üilestıru de kıredı. Baǧdarlamanyŋ maqsaty tuǧan ölkesın örkendetuge, körkeituge bei-jai qaramaityndardy tartu, tüptep kelgende, äleumettık mäselelerdı şeşu bolyp tabylady. Osynyŋ aiasynda tuǧan jerge tuyn tıgıp, ösken ölkesıne aǧaş ekkender sany az emes. Al käsıpkerler qauymy bolsa öz ölkelerıne köpır, balabaqşa, jol, sport jäne öner körsetu keşenderın salyp, mektepter men auruhanalardy jöndeuden ötkızıp jatyr. Senbılıkter ūiymdastyryp, saiabaqtar saluda. Jūmys oryndaryn aşyp, halyqtyŋ äleumettık jaǧdaiynyŋ özgeruıne de äser etude. Būl «Tuǧan jer» baǧdarlamasynyŋ basty mındetı ekenın eskeruge tiıspız.
2018 jyly mektep baǧdarlamasyna tuǧan ölkenıŋ tarihyn, tabiǧatyn, mädenietın tereŋırek bılu üşın «Ölketanu» keşendı oqytu kursy engızıldı. Būl joba aiasynda oqu pänderı boiynşa oqytu jürgızıldı. Qazaqstan tarihy, qazaq ädebietı, geografiia, muzyka hrestomatiialary da jaryq kördı. Synyp saǧattary, synyptan tys jūmystar, mūrajai sabaqtary ötkızıldı. Būl öskeleŋ ūrpaqtyŋ boiynda patriottyq sezımdı tärbieleudıŋ tamaşa ädısı. Jas ūrpaqty tuǧan ölkesın süiuge tärbieleudı mektep tabaldyryǧynan bastau asa maŋyzdy ekenı aitpasa da tüsınıktı.
«Ruhani jaŋǧyru» osy salalar boiynşa ıske asuda. Özge de aty atalmaǧan baǧdarlamalar men jobalar jeterlık. Olardy da jeke taldap, qarastyru maŋyzdy.
«Adyrna» ūlttyq portaly
