Sybaılas jemqorlyqqa qaýqarly kúres qajet

556

Búginde jabyq mekemelerde jazasyn óteýshi azamattardy jumyspen qamtý júıeli jolǵa qoıylǵan. Bul baǵytta QAJ mekemeleri túrli kásiporyndarmen kelisimge kelip, jergilikti atqarýshy bılikpen tyǵyz qarym-qatynasta jumys isteýde. Dese de, sot úkimimen kináli dep tanylǵandardy jumyspen qamtýda «barmaq basty, kóz qysty» áreketter bolmaýy tıis. Bir sózben aıtqanda, munda jeń ushynan jalǵasqan jemqorlyqqa jol berilmeýi qajet-aq.

Óńirlik QAJ departamentinde ótken basqosý barysynda osynaý ózekti másele keńinen talqyǵa tústi. Jıynǵa QR Sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń prevenııa basqarmasynyń bas mamany Aıbek Ajıbaev, oblystyq Polıııa departamenti ózindik qaýipsizdik basqarmasynyń aǵa jedel ýákili Aıdyn Qorabaev sondaı-aq QAJ departamentiniń basshy quramy men JD-158/1,2,4,5,7 mekeme bastyqtarynyń orynbasarlary, atalǵan mekemelerdegi sottalǵandardyń eńbegin uıymdastyrý qyzmetiniń bólim basshylary men aǵa qyzmetkerleri, «Eńbek-Taraz» RMK fılıalynyń dırektory jáne óndiris oryndarynyń sheberleri, shaǵyn jáne orta bıznes ókilderi qatysty.

Basqosýda aldymen óńirlik QAJ departamenti sottalǵandardyń eńbegin uıymdastyrý tobynyń bas mamany ádilet podpolkovnıgi Aımen Taıtelıeva baıandama jasady. Aımen Aqylbekqyzy óz sózinde QAJ qyzmetkerleriniń yqpalymen bul kúnde sottalǵan azamattar aqyly jumyspen qamtylǵanyn ári olardyń memleket jáne jábirlenýshiler aldyndaǵy qaryzdary kezeń-kezeńimen ótelip jatqandyǵyn jetkizdi. Jıynda sondaı-aq jeke kásipkerler, JShS ókilderi óz taraptarynan kásipterin odan ári ulǵaıtýǵa qandaı kómekter alýǵa bolatyndyǵy jóninde kókeıdegi suraqtaryn qoıyp, tuymdy jaýap aldy. Qysqasy, bul kúni jınalǵandar para bermeı-aq paıdaly is isteýge bolady degen tujyrymda tarqasty. Sol sebepti, bul baǵytta birlese jumys isteımiz dep ýaǵdalasty.

Pikirler
Redakııa tańdaýy