Türkıstan oblysynyŋ äkımı Ömırzaq Şökeev tamyz keŋesıne kelgen öŋırdıŋ üzdık ūstazdarymen bırge oblys ortalyǧyndaǧy bılım sapasyna, balalardy damytuǧa äser etetın oqu - aǧartu oşaqtaryna ekskursiia jasady, dep habarlaidy “Adyrna” ūlttyq portaly.
Barlyq audan, qalalardan jinalǧan pedagogtar täjıribe jinaqtau maqsatynda Türkıstan qalasynda ornalasqan bılım ordalarynda, qosymşa bılım beru, sport nysandarynda boldy. «Farab» kıtaphanasynda, oquşylar saraiy men tennis ortalyǧy men eskek esu kanalyna jäne «Nazarbaev Ziiatkerlık mektebın» aralap, ondaǧy jaŋaşyldyqqa kuä boldy. Erekşe formatta bastalǧan tamyz keŋesı aiasynda arnaiy körme ūiymdastyryldy.
Jarty millionǧa juyq kıtap qory bar «Farab» kıtaphanasyndaǧy zamanaui tehnikamen jabdyqtalǧan «Fablab» şeberhanasy jelısın Kentau, Arys jäne Lengır qalalarynda aşu közdelgen. Būl – mekteptegı eŋbek pänınıŋ jaŋa ülgısın körsetetın şyǧarmaşylyq ortalyq.
Öŋırdıŋ 17 audan, qalasynda tırek mektepter jasaqtalatyn bolady. Joba aiasynda NZM mektepterınıŋ äleuetın 17 tırek mektebıne engızıp, oqu-ädıstemelık süiemeldeu jürgızıledı. Osy joba aiasynda pedagogterdıŋ sapalyq qūramy men mektepterdıŋ materialdyq mümkındıgı jaqsarady dep kütılude. NZM täjıribesın taratuda maŋyzy bastamalar qolǧa alynady.
Sondai-aq oblys äkımı Ömırzaq Şökeev mūǧalımdermen bırge şahardaǧy sport nysandarynda boldy. Jas ūrpaqty tärbieleudegı basty maqsattyŋ bırı – sportqa baulu ekenın aitqan öŋır basşysy, balalar bılımdı ärı denı sau bolyp ösuı üşın jan-jaqty damuy kerek ekenın jetkızdı.
“Özderıŋız jaŋa körgen «Farab» kıtaphanasyn saluda älemnıŋ damyǧan elderınıŋ ozyq ülgılerın qoldandyq. Mūnda jastar tek kıtap oqyp qana qoimai, şyǧarmaşylyqpen ainalysady. Izdenedı. «Fablab» şeberhanasynda oquşylar öz qoldarymen robotar, türlı dünielerdı jasap şyǧarady. Osyndai şeberhanalardy barlyq audan, qalada aşudy josparlap otyrmyz. Kıtaphanada Türkıstannyŋ tarihymen tanysuǧa mümkındık bar. Türkıstannyŋ bırınşı qūndylyǧy – Qoja Ahmet Iаsaui. Onyŋ tarihi tūlǧasy men ılımı. İslamdaǧy orny. Jalpy qazaqtyŋ tarihynda Iаsauidıŋ orny erekşe. Memlekettılıktıŋ damuyna öz ızın qaldyrǧan. Özderıŋız sekıldı ūstaz bolǧan tarihi tūlǧany halyq airyqşa jaqsy körgen. Ekınşı qūndylyq – Qoja Ahmet Iаsaui kesenesı. Būl kesene – säulet önerınıŋ jauhary. Būǧan teŋdes mavzolei älemde joq deuge bolady. Ärbır kırpışı eseppen qalanǧan. Ökınışke qarai, bız Iаsauidıŋ bolmysyn, onyŋ ruhani bailyǧyn älı tolyq bılmeimız. Tereŋ zerttelmegen. Sondyqtan bız 27 qazanda Türkıstanda halyqaralyq ǧylymi konferensiia ötkızemız. Onda Iаsauidıŋ mūrasy men tūlǧasy jäne kesenesı turaly tyŋ derekter aitylady. Zertteledı. Şetelden tarihşylar keledı. Barşaŋyzdy sol ıs-şaraǧa şaqyramyz”, – degen Ömırzaq Şökeev sport nysandarynyŋ da maŋyzyn atap öttı.Türkıstanda sport salasyna qoldau körsetılıp jatqanyn jetkızdı. Türkıstan oblysynda bılım salasyn damytuǧa jıtı köŋıl bölınıp keledı. Ūlttyq bıryŋǧai testıleu nätijesı boiynşa respublika kölemınde «100 üzdık mektep» tızımıne Türkıstan oblysynyŋ 11 mektebı engen. Būl – ülken jetıstık. Türkıstan oblysynyŋ 961 orta bılım beru ūiymynda 510 myŋnan asa oquşy bılım alady. Būl elımızdegı eŋ ülken körsetkış, ärbır 7-şı bala Türkıstan oblysynda bılım alady degen söz. Qazaqstan boiynşa qūrylymy jürıp jatqan 200 mekteptıŋ 47-sı Türkıstan oblysynyŋ enşısınde. Respublikada bala-baqşa aşu körsetkışı boiynşa da Türkıstan oblysy aldyŋǧy orynda. Jaŋa oqu jylynda «Kibernet Akademiiasymen» bırge Türkıstan men Kentau qalalarynda pedagogterdıŋ IT qūzırettılıgı men matematikalyq bılıktıgın damytuǧa baǧyttalǧan «Matematikaǧa daiyndyqtyŋ jaŋa tehnologiiasy» baǧdarlamasyn engızu josparlanyp otyr. Būl baǧdarlamada mūǧalımder RFMM, Qazaq-Britan tehnologiialyq universitetınıŋ äleuetın paidalanatyn bolady. Oblys boiynşa 2025 jylǧa deiın «Oquǧa qūştar mektep» jobasy aiasynda 324 mekteptıŋ kıtaphanalaryn jaŋǧyrtu josparlanǧan. Tehnikalyq jäne käsıptık bılım beru salasyn damytu maqsatynda kolledjderge arnaiy talaptar qoiyp otyrmyz. Kolledj basşylarynyŋ jūmystaryn baǧalaityn KRI jüiesı engızıledı, onyŋ ışınde öndırıs oryndarymen bırlese otyryp kışı käsıporyndar qūru, biznes-inkubatorlar aşu mäselesı, pedagogtardyŋ sapalyq qūramyn arttyru, tülekterdıŋ jūmysqa ornalasu körsetkışterın joǧarylatu şaralary qamtylatyn bolady.
”Adyrna” ūlttyq portaly
