«Bolaşaq» baǧdarlamasy boiynşa endı BAQ qyzmetkerlerı taǧylymdamadan öte alady, dep habarlaidy “Adyrna” ūlttyq portaly.
Jurnalist, rejiser, operator, grafister älemnıŋ jetekşı şeteldık ūiymdary men JOO-larynda «Operatorlyq öner», «Rejissura», «Jurnalistika», «Vizualdy effektıler. 3d animasiia» jäne t.b. mamandyqtar boiynşa bılıktılıgın arttyrady.
Ümıtkerlerdıŋ jalpy jūmys ötılı üş jyldan kem bolmauy kerek. Soŋǧy 12 aida taŋdaǧan mamandyǧy boiynşa jūmys ısteuge tiıs. Ümıtker şeteldık ūiymnan şaqyrtudy öz betınşe alady jäne QAZTEST tapsyrady (nätijesı V1-den tömen bolmauy kerek).
Taǧylymdamaǧa qūjat tapsyru 2022 jylǧy 5 qyrküiekte bastalyp, 14 qazanǧa deiın jalǧasady.
Ötınımder Egov.kz memlekettık qyzmet portalynda qabyldanady.
Taǧylymdama boiynşa ümıtkerler kepılge mülık qoimaidy. Mındettemelerdı oryndau üşın ekı garant ūsynu ǧana jetkılıktı. Soŋǧy 12 aida tūraqty tabysy bar, jasy 50-ge tolmaǧan QR azamaty ümıtkerge garant bola alady.
Osy taqyryp boiynşa tolyq aqparat beru üşın 2022 jylǧy 26 tamyzda 16:00-de Aqparat jäne qoǧamdyq damu ministrlıgı jäne «Bolaşaq» Halyqaralyq baǧdarlamalar ortalyǧynyŋ resmi İnstagram paraqşalarynda bırlesken tıkelei efir ötedı.
Spiker: «Halyqaralyq baǧdarlamalar ortalyǧy» AQ Konkurstyq räsımderdı ūiymdastyru basqarmasynyŋ bas menedjerı Asanbaeva Gulzat.
İnterviuer: Aqparat jäne qoǧamdyq damu ministrlıgınıŋ Baspasöz menedjerı Seilhanova Äsel.
”Adyrna” ūlttyq portaly
Ūqsas jaŋalyqtar
