Jambyl oblysynyŋ äkımı Nūrjan Nūrjıgıtov Jualy audanyna jūmys saparymen baryp, bırqatar nysandardyŋ jai-küiımen tanysyp, qūrylystardyŋ barysyn tekserdı.
Eŋ aldymen aimaq basşysy Terıs auylyndaǧy eskı Mädeniet üiınıŋ bos ǧimaratyn kördı. Bırneşe jyl jeke menşıkte bolyp, qarausyz qalǧan nysan bügınde tozyǧy jetıp, jöndeuge jaramsyz küige tüsken.
Būǧan deiın būl mäselenı kötergen tūrǧyndardyŋ ötınışın eskergen oblys äkımı eskı ǧimaratty būzyp, ornyna jaŋa nysan salu qajettıgın atap öttı. Ol boiynşa qūjattama jūmystaryn uaqyt sozbai pysyqtau üşın audan äkımdıgıne naqty mındetter jüktedı.
Būdan soŋ ırgedegı dükenge tosynnan kırgen Nūrjan Nūrjıgıtov azyq-tülık baǧalaryn tekserdı. Düken iesıne üsteme aqyny talapqa sai
15 paiyzdan asyrmau kerektıgın eskerttı.
Kelesı kezekte oblys äkımı «Baqyt» şarua qojalyǧyna at basyn būrdy. Şaruaşylyq jetekşısı Quanyşbek Qaldybekov «Agrarlyq nesie korporasiiasy» AQ arqyly 38,8 mln tenge nesiege 31 bas «MonBiliard» asyl tūqymdy müiızdı ırı qara malyn alyp kelgen. Chehiiadan jetkızılgen siyrlardyŋ alǧaşqysy töldep, kündıgıne 20 litrdei süt berude.
Şarua qojalyqtyŋ ırgesındegı suarmaly alqapqa egılgen qūlpynai da aitarlyqtai jemıs berude.
Būl jūmystardy oŋ baǧalaǧan aimaq basşysy «bır auyl – bır baǧytta» jappai eŋbek etse, tiımdılık pen önımdılıktıŋ artatynyn qaitalap aitty.
«Aqsai» kanalyndaǧy betondau jūmystaryn merdıger «Elaman» JŞS oryndauda. Qazırgı taŋda 3 şaqyrymdyq beton plitalary auystyrylsa, qalǧany – 2 şaqyrymdy qūraidy. Kanal arqyly 98 şarua qojalyq sumen qamtylady.
Nūrjan Nūrjıgıtov şarualarǧa qajettı su kölemın jetkızu – basty mındet ekenıne nazar audartyp, jūmystardy qyrküiek aiyna deiın aiaqtaudy tapsyrdy.
Oblys äkımı Qairat auylyndaǧy №2 Myŋbūlaq orta mektebınıŋ kürdelı jöndeu şaralarymen tanysyp, merdıgerge qūrylysty sapaly oryndaudy ärı 20 tamyzǧa deiın tolyǧymen aiaqtau kerektıgın eskerttı. Tiıstı salalyq basqarmalar men audan basşylyǧyna qataŋ baqylauda ūstaudy mındettedı.
Audan ortalyǧy sanalatyn Bauyrjan Momyşūly auylynda 3 qabatty köppäterlı üi jaŋadan boi kötergen. 9 päterlı üidı aralap körgen oblys äkımı aumaqtyŋ kölemın eskerıp, mūndai taǧy üş üi salu mümkındıgıne köŋıl böldı. Soǧan säikes tartylyp jatqan injenerlık jelılerdıŋ, jylu qazandyǧynyŋ äleuetın de keŋeitu, qūjattaryn retteu boiynşa jauaptylarǧa naqty tapsyrmalar berdı. Ol audandaǧy tūrǧyn üi kezegınde tūrǧan bırqatar azamattardyŋ baspana mäselesın şeşuge yqpal etpek.
Sondai-aq, Qoŋyrtöbe auylynyŋ tūrǧyndary taza auyz sudyŋ igılıgın köretın kün alys emes. Eldı mekenge tartylyp jatqan auyz su jüiesınıŋ qūrylysy osy jyldyŋ aiaǧyna deiın aiaqtalady dep kütılude.
Jalpy, audandaǧy 49 eldı mekennıŋ 31-ı taza auyz sumen qamtylǧan desek, qalǧan 18 auyldyŋ tūrǧyndary 2025 jylǧa deiın tırşılık närıne tügeldei qoly jetetın bolady.
Aimaq basşysy Boraldai auyldyq okrugındegı «Altynai» şarua qojalyǧyna da bardy. Egın jinau ısıne qyzu kırısken şarua qojalyq är gektarynan ortaşa eseppen 18 sentnerden önım aluda. Küzdık bidaidan tüsetın önım kölemı de būdan az bolmaidy dep kütılude.
Aita keteiık, biyl audan boiynşa 38 myŋ gektarǧa masaqty dändı daqyldar sebılse, bügınde onyŋ 15 myŋ gektarǧa juyǧy jinalyp ülgergen. Ortaşa önım – 20,8 s/ga. Dändı daqyldardy oru jūmystaryna jalpy 100-ge juyq kombain jūmyldyrylǧan.Nūrjan Nūrjıgıtovtıŋ Jualy audanyndaǧy jūmys sapary Aqtasty auylynda tüiındeldı. Şaǧyn eldı mekendegı mekteptıŋ jaǧdaiy alaŋdatarlyq küide. Jeke tūrǧyn üige yŋǧailastyrylǧan oqu ordasynyŋ ǧimaraty tozyǧy jetken. Osyǧan säikes auyldaǧy jeke käsıpker salǧan jaŋa ǧimaratty bastauyş mektep retınde paidaǧa jaratu mümkındıgı qarastyryluda. Oblys äkımı nysandy aralap körıp, qūjattaryn retteu, baǧalau jūmystaryn jüzege asyru boiynşa jauaptylarǧa jan-jaqty zerdeleu jürgızu, tiıstı şaralar qabyldauǧa qatysty naqty tapsyrmalar jüktedı.
