Jambyl oblysynyń ákimi Nurjan Nurjigitov Jýaly aýdanyna jumys saparymen baryp, birqatar nysandardyń jaı-kúıimen tanysyp, qurylystardyń barysyn tekserdi.
Eń aldymen aımaq basshysy Teris aýylyndaǵy eski Mádenıet úıiniń bos ǵımaratyn kórdi. Birneshe jyl jeke menshikte bolyp, qaraýsyz qalǵan nysan búginde tozyǵy jetip, jóndeýge jaramsyz kúıge túsken.
Buǵan deıin bul máseleni kótergen turǵyndardyń ótinishin eskergen oblys ákimi eski ǵımaratty buzyp, ornyna jańa nysan salý qajettigin atap ótti. Ol boıynsha qujattama jumystaryn ýaqyt sozbaı pysyqtaý úshin aýdan ákimdigine naqty mindetter júktedi.
Budan soń irgedegi dúkenge tosynnan kirgen Nurjan Nurjigitov azyq-túlik baǵalaryn tekserdi. Dúken ıesine ústeme aqyny talapqa saı
15 paıyzdan asyrmaý kerektigin eskertti.
Kelesi kezekte oblys ákimi «Baqyt» sharýa qojalyǵyna at basyn burdy. Sharýashylyq jetekshisi Qýanyshbek Qaldybekov «Agrarlyq nesıe korporaııasy» AQ arqyly 38,8 mln tenge nesıege 31 bas «MonBılıard» asyl tuqymdy múıizdi iri qara malyn alyp kelgen. Chehııadan jetkizilgen sıyrlardyń alǵashqysy tóldep, kúndigine 20 lıtrdeı sút berýde.
Sharýa qojalyqtyń irgesindegi sýarmaly alqapqa egilgen qulpynaı da aıtarlyqtaı jemis berýde.
Bul jumystardy oń baǵalaǵan aımaq basshysy «bir aýyl – bir baǵytta» jappaı eńbek etse, tıimdilik pen ónimdiliktiń artatynyn qaıtalap aıtty.
«Aqsaı» kanalyndaǵy betondaý jumystaryn merdiger «Elaman» JShS oryndaýda. Qazirgi tańda 3 shaqyrymdyq beton plıtalary aýystyrylsa, qalǵany – 2 shaqyrymdy quraıdy. Kanal arqyly 98 sharýa qojalyq sýmen qamtylady.
Nurjan Nurjigitov sharýalarǵa qajetti sý kólemin jetkizý – basty mindet ekenine nazar aýdartyp, jumystardy qyrkúıek aıyna deıin aıaqtaýdy tapsyrdy.
Oblys ákimi Qaırat aýylyndaǵy №2 Myńbulaq orta mektebiniń kúrdeli jóndeý sharalarymen tanysyp, merdigerge qurylysty sapaly oryndaýdy ári 20 tamyzǵa deıin tolyǵymen aıaqtaý kerektigin eskertti. Tıisti salalyq basqarmalar men aýdan basshylyǵyna qatań baqylaýda ustaýdy mindettedi.
Aýdan ortalyǵy sanalatyn Baýyrjan Momyshuly aýylynda 3 qabatty kóppáterli úı jańadan boı kótergen. 9 páterli úıdi aralap kórgen oblys ákimi aýmaqtyń kólemin eskerip, mundaı taǵy úsh úı salý múmkindigine kóńil bóldi. Soǵan sáıkes tartylyp jatqan ınjenerlik jelilerdiń, jylý qazandyǵynyń áleýetin de keńeıtý, qujattaryn retteý boıynsha jaýaptylarǵa naqty tapsyrmalar berdi. Ol aýdandaǵy turǵyn úı kezeginde turǵan birqatar azamattardyń baspana máselesin sheshýge yqpal etpek.
Sondaı-aq, Qońyrtóbe aýylynyń turǵyndary taza aýyz sýdyń ıgiligin kóretin kún alys emes. Eldi mekenge tartylyp jatqan aýyz sý júıesiniń qurylysy osy jyldyń aıaǵyna deıin aıaqtalady dep kútilýde.
Jalpy, aýdandaǵy 49 eldi mekenniń 31-i taza aýyz sýmen qamtylǵan desek, qalǵan 18 aýyldyń turǵyndary 2025 jylǵa deıin tirshilik nárine túgeldeı qoly jetetin bolady.
Aımaq basshysy Boraldaı aýyldyq okrýgindegi «Altynaı» sharýa qojalyǵyna da bardy. Egin jınaý isine qyzý kirisken sharýa qojalyq ár gektarynan ortasha eseppen 18 entnerden ónim alýda. Kúzdik bıdaıdan túsetin ónim kólemi de budan az bolmaıdy dep kútilýde.
Aıta keteıik, bıyl aýdan boıynsha 38 myń gektarǵa masaqty dándi daqyldar sebilse, búginde onyń 15 myń gektarǵa jýyǵy jınalyp úlgergen. Ortasha ónim – 20,8 /ga. Dándi daqyldardy orý jumystaryna jalpy 100-ge jýyq kombaın jumyldyrylǵan.
Nurjan Nurjigitovtiń Jýaly aýdanyndaǵy jumys sapary Aqtasty aýylynda túıindeldi.
Shaǵyn eldi mekendegi mekteptiń jaǵdaıy alańdatarlyq kúıde. Jeke turǵyn úıge yńǵaılastyrylǵan oqý ordasynyń ǵımaraty tozyǵy jetken. Osyǵan sáıkes aýyldaǵy jeke kásipker salǵan jańa ǵımaratty bastaýysh mektep retinde paıdaǵa jaratý múmkindigi qarastyrylýda.
Oblys ákimi nysandy aralap kórip, qujattaryn retteý, baǵalaý jumystaryn júzege asyrý boıynsha jaýaptylarǵa jan-jaqty zerdeleý júrgizý, tıisti sharalar qabyldaýǵa qatysty naqty tapsyrmalar júktedi.
