Jambyldyqtar pılottyq joba arqyly turmystyq tabystaryn arttyrýda

741
Adyrna.kz Telegram

Memleket basshysy Qasym-Jomart Toqaev eldiń kemel keleshegin kózdegen dástúrli Joldaýlarynda Úkimetke halyqtyń ál-aýqatyn jaqsartýǵa baǵyttalǵan is-sharalar tizimin jasaqtaýdy ári onyń jer-jerlerde júıeli júzege asyrylýyn nazarda ustaýdy tapsyrýda. Prezıdenttiń tapsyrmasyna sáıkes, halyq ataýly kómek qana alyp qoımaı, turaqty jumyspen qamtylýy tıis. Óńirimizge jumys sapary barysynda QR Eńbek jáne halyqty áleýmettik qorǵaý mınıstri Tamara Dúısenova aımaqta atqarylyp jatqan ilkimdi isterdi kózben kórdi. Aldymen óńir aktıvimen kezdesken mınıstr halyqty jumyspen qamtý sharalaryna toqtalyp, jergilikti atqarýshy organ ókilderin jumyssyzdyq deńgeıin nazarda ustaýǵa shaqyrdy.

Óńir basshysy Nurjan Nurjigitov, oblystyq máslıhat pen jergilikti atqarýshy organ ókilderi, aýdan ákimderi qatysty. Jıynda Tamara Dúısenova qazir eńbek naryǵynda bolyp jatqan ózgerister týraly aıtty. Aımaqta 15-28 jas aralyǵyndaǵy jastardyń sany – 221 myń. Bul oblys halqynyń 19 paıyzyn quraıdy. Osyǵan oraı, mınıstr jastardy jumyspen qamtýdyń mańyzdylyǵyna aıryqsha toqtaldy.

- Jambyl oblysyndaǵy jastardyń sany 2030 jylǵa qaraı 64 myń adamǵa kóbeıip, 286 myńǵa jetedi. Al 2040 jylǵa qaraı bul kórsetkish taǵy 100 myńǵa artady. Ekonomıkalyq belsendi jastardyń sany 2030 jylǵa qaraı 149 myńǵa deıin kóbeıip, eńbek naryǵyna kúsh túsiretini anyq. Mekteptegi bilimmen qalǵan jastardyń úlesi - 18%, al joǵary bilimdi jastardyń úlesi - 39%», - dedi Tamara Dúısenova.

Budan bólek, mınıstr bıylǵy jyldyń 6 aıynda oblysta 27 myńnan astam adamnyń jumysqa ornalasqanyn atap ótti. Onyń basym kópshiligi – 17 myńnan astam azamat jumyspen qamtý ortalyqtary arqyly jumysqa turǵan.

- Jambyl oblysynda jumyssyz retinde tirkelgen 4816 jumyssyz adamnyń 2526-niń biliktiligi bar, al 2290 adamnyń biliktiligi joq. Óńirde bos jumys oryndary jetkilikti ekenin Elektrondy eńbek bırjasyndaǵy osyndaı mysaldardan-aq baıqaýǵa. Jumyssyz azamattarǵa qoldaý kórsetip, qajetti jumys oryndaryna ornalasýǵa barynsha qoldaý kórsetý barlyǵymyzdyń mindetimiz», – dedi T.Dúısenova.

Kezdesýde sondaı-aq qazaqstandyqtardy zeınetaqymen qamtý, halyqty áleýmettik qoldaý múgedektigi bar adamdardy qoldaý sharalary da talqyǵa tústi.

Budan keıin, EHÁQM basshysy aımaq turǵyndarynyń turmystyq tabysyn jaqsartý pılottyq jobasynyń júzege asý barysymen tanysty. Jalpy, atalǵan joba bıylǵy jyly taǵy 10 aýyldyq okrýgte iske aspaq. Bul baǵytqa «Agrarlyq nesıe korporaııasy» akıonerlik qoǵamy arqyly nesıelendirýge bólingen 6 mlrd. 47,5 mln. teńge qarjy qarastyrylýda. Qazirgi tańda jobanyń bes baǵyty boıynsha aýyldyq okrýgterdiń esepteri naqtylanýda. Tamara Qasymqyzy aýyldyq jerlerdegi januıalardyń tabys kózine aınalǵan jobanyń júıeli iske asýyna erekshe kóńil bólý qajettigin jetkizdi.

Búginde biregeı jobanyń jemisin Baızaq aýdanyndaǵy Qostóbe jáne Úlgili aýyldyq okrýgindegi turǵyndary da kórýde. Qazirgi tańda olar óz jeke kásipterin ashyp, ıgiligin kórip otyr. Turmysy túzelgen turǵyndar mınıstrmen óz josparlarymen bólisti. Qostóbe aýyldyq okrýgine qarasty Talas aýylynyń turǵyny Ábýjaqyp Qaldarov jobanyń tıimdi tustaryn atap ótti. Zeınetker 2 mıllıon 400 myń teńge kóleminde qarjylyq qoldaýǵa ıe bolyp, mal sharýashylyǵyn damytýdy qolǵa alǵan. Qazirgi tańda mal basy 15 jylqyǵa jetkizgen aýyl turǵyny bul kásip otbasynyń tabys kózine aınalǵanyn aıtty.

- Pılottyq joba aıasynda otbasylyq jeke kásibimizdi ashtyq. Alǵashynda 5 jylqy satyp aldyq .Búginde óz josparlarymyzdy senimdi túrde júzege asyrýdamyz. Aýyl ekonomıkasynyń damýyna úles qosyp, baǵdarlamanyń qarqyndy júzege asýyna úlesimizdi qosatyn bolamyz. Sebebi, onyń paıdasy mol ekenine kózimiz jetti, - deıdi sharýa.

Aýyldyq okrýgtegi saparynda mınıstr jobanyń ıgiligin kórgen birneshe turǵyndarmen kezdesti. Olardyń qatarynda iri qara mal ósirýmen qatar, úlesinde 10 sottyq jeri bar Qostóbe aýylyndaǵy «Rústem», asyl tuqymdy taýyqtardy ósirýdi kásipke aınaldyrǵan Úlgili aýylyndaǵy «Ǵalymjan» jeke sharýaqojalyqtary bar. Ásirese, temirden túıin túıgen Ámirbek Tólepovtyń jumysy jurtty súısintti. Joba aıasynda 2 mıllıon 800 myń teńge kóleminde nesıege qol jetkizgen ol búginde 6 adamdy jumyspen qamtyp otyr. Mektep qabyrǵasynda-aq túrli tehnıkanyń tilin meńgergen Ámirbek bul kúnde asyraýshy salaǵa qajetti tehnıka jasaýdyń maıtalman mamany atanǵan.

- Bul iske bala kúnimnen qumar boldym. Sondyqtan, árbir tehnıkaǵa barynsha janymdy, kúsh-qaıratymdy, ıdeıamdy qosamyn. Meılinshe, sharýashylyqqa asa qajetti erekshe týyndy jasaýǵa tyrysamyn. Aldaǵy ýaqytta kásibimdi ulǵaıtýdy josparlap otyrmyn, - dedi Á.Tólepov.

Sharýalardyń tynys-tirshiligimen tanysqan soń mınıstr hanym joba aıasynda nesıe rásimdep, jumysyn dóńgeletip otyrǵan kásipkerlerdiń qulashyn keńge sermeýine jergilikti bılik tarapynan barynsha qoldaý kórsetilýi qajettigin atap ótti.

Jumys sapary sońynda QR Eńbek jáne halyqty áleýmettik qorǵaý mınıstri Tamara Dúısenova oblys ortalyǵyndaǵy 150 oryndyq ońaltý ortalyǵynyń qurylysymen tanysty. Aıta keteıik, ǵımarat birneshe bloktan turady. Máselen, birinshi blokta basseın, kıim aýystyratyn bólme, sport jáne kórermender zaly bolsa, ekinshi blokta – medıınalyq kabınetter ornalasqan. Al úshinshi blokta - ashana, qalǵan bloktarda-eki oryndyq jáne bir oryndyq palatalar bar. Qurylysqa jaýapty "Tarazstroı-2004" merdiger kompanııasy jumystardy kelesi jyly aıaqtaýdy josparlap otyr.

 

Pikirler