Memleket basşysy Qasym-Jomart Toqaevtyŋ tapsyrmasyna sai oblys, qala, audan äkımderı halyqpen kezdesıp, qordalanǧan mäselelerge qūlaq türude. Mysaly oblysta äkımder jyl basynan berı 400-den astam kezdesu ötkızgen. Osyndai basqosuǧa oblystyq qūqyq qorǧau organdarynyŋ basşylary da qatysyp, şielenısken mäselelerdı lezde basşylyqqa aluda. Osy maqsatta öŋır basşysy Nūrjan Nūrjıgıtov, tiıstı basqarmalardyŋ jäne qūzyrly organdardyŋ basşylary Bırlıküstem auyldyq okrugıne at ızın salyp, tūrǧyndardyŋ talap-tılekterın tyŋdady.
Kezdesude auyl aqsaqaldary bırneşe mäselenı jıpke tızıp aityp berdı. Qariialardyŋ aituynşa, jūmyssyzdyqtan auyl jastarynyŋ denı qalaǧa baryp tabys tauyp jür. Būdan bölek su mäselesı de şarualardy tūiyqqa tırep otyr. «Tasötkel» su qoimasynan keletın tırşılık närıne kanaldyŋ basyndaǧylar qaryq bolsa, tömengı alqaptar zäru. Sondai-aq auyl tūrǧyndary jaiylymdyq jer mäselesıne alaŋdauly eken. Osy rette tūrǧyndardyŋ saualyn nazarǧa alǧan Nūrjan Nūrjıgıtov är sūraqqa naqty jauap berdı.
– Özderıŋız bıletındei būǧan deiın oblystaǧy bırneşe auyldy aralap, auyl äkımderınıŋ negızgı mındetı jaiynda eskertıp kelemız. Auyl äkımderı künıne kem degende bır üige baryp, sol şaŋyraqtyŋ äleumettık jaǧdaiy men tabysy turaly aqpar aluy kerek dep qajetınşe eskertıp jatyrmyz. Mysaly osy auyldaǧy 351 şaŋyraqta kem degende bır adamnyŋ tūraqty jūmysy boluyn qadaǧalaǧan jön. Keiın, Ükımetten körsetıletın qoldaulardy tūrǧyndarǧa, onyŋ ışınde şarualarǧa jetkızu de auyl äkımınıŋ jūmysy. Bügınde şarualardyŋ basym köpşılıgı ülken alqapty bırer jūmysşynyŋ kömegımen igerıp otyrmyz dep aqpar beredı. Eger olar 5, 6 adam dep körseter bolsa, Ükımet jūmysşy jalaqysynyŋ 35 paiyzyn tölep otyrar edı. Jūmyspen qamtudyŋ osy sekıldı bırneşe tetıkterı bar. Sony tiımdı paidalansaq, bıraz mäsele şeşıler edı. Ekınşı, su mäselesı boiynşa «Tasötkel» su qoimasyna bardyq. Onda su mölşerı byltyrdyŋ däl osy kezeŋımen salystyrǧanda 59 mln tekşe metrge köp jinalǧan. Endı ondaǧy sudy tömenge köptep tastap, jöndeu jūmystaryn jürgızudı közdep otyrmyz. Sonda keler jyldary sudy eselep jinauǧa mümkındık tuady,– degen Nūrjan Moldiiarūly tömengı auyldarǧa su jetpeuınıŋ sebın auyl äkımı Aslanbek Quanyşovtan sūrady.
Al auyldyq okrugtıŋ basşysy būl mäselenı tömendegı kanaldardyŋ bülıngen lotok arnalarynyŋ bülınuımen bailanystyrdy.
Osy tūsta audan äkımı Säken Arubaev 35 kanaldy retteu boiynşa qūjattar äzırlengenın aitty. Demek, auyldaǧy aǧyn su mäselesı bırneşe jylda tolyqtai şeşılmek. Būdan soŋ jaiylym jaiyn qauzaǧan öŋır basşysy qoǧamdyq padany rettemei, şarualardy auyl ırgesındegı jaiylymǧa qonystandyru orynsyz ekenın aitty. Izın ala būl talaptardyŋ barlyǧy jaiylym turaly zaŋda körsetılgenın eskerttı. Sol sekıldı jerı bolǧanymen maly joq şarualar jerlerdı äkımdıkke qaitaryp jatqanyn da atap öttı.
Öŋır basşysy sözın tüiındei kele 2025 jylǧa deiın qala, audandardy jol, auyz su, tabiǧi gazben qamtuǧa jäne mädeniet, sport, bılım, densaulyq saqtau salasyn örkendetuge köptep köŋıl bölınetının aitty.
Osy künı oblys äkımı audandyq mädeniet üiınde Töle bi auylynyŋ tūrǧyndarymen kezdestı. Mūnda da auyl belsendılerı tūrǧyndardyŋ şymbaiyna batqan bırneşe mäselenı kezekpen habarlady. Auyl tūrǧyndary «Qazaqmys» koorporasiiasynyŋ «Şatyrköl» mys ken ornynda radiasiianyŋ zalaly qaraşa halyqqa tiiude dep dabyl qaǧuda.
Öŋır basşysy sözın tüiındei kele 2025 jylǧa deiın qala, audandardy jol, auyz su, tabiǧi gazben qamtuǧa jäne mädeniet, sport, bılım, densaulyq saqtau salasyn örkendetuge köptep köŋıl bölınetının aitty.
Osy künı oblys äkımı audandyq mädeniet üiınde Töle bi auylynyŋ tūrǧyndarymen kezdestı. Mūnda da auyl belsendılerı tūrǧyndardyŋ şymbaiyna batqan bırneşe mäselenı kezekpen habarlady. Auyl tūrǧyndary «Qazaqmys» koorporasiiasynyŋ «Şatyrköl» mys ken ornynda radiasiianyŋ zalaly qaraşa halyqqa tiiude dep dabyl qaǧuda.
«Auyl äkımı atalmyş kompaniiadan keler qauıp joq ekenın aituda. Mūny densaulyq saqtau basqarmasy da zerdelep, onkologiialyq aurulardyŋ köbeimegenı turaly aitty. Endı taǧy da osy jaidy taldau qajet. Al zaŋ aiasynda qaralatyn mäselelerdı qazır qūzyrly organdarǧa tapsyrsaŋyzdar bolady»,– degen Nūrjan Nūrjıgıtov auyldy kögıldır otynmen qamtu mäselesın retteudı audan äkımı Säken Arubaevqa jüktedı.Sondai-aq tūrǧyndardy aǧyn su jäne internetı joq eldı mekenderdıŋ ahualy da alaŋdatady. Kelesı kezekte öŋır basşysy auyldyŋ irrigasiialyq jüielerıne qatysty mäseleler kezeŋ-kezeŋımen retteletının jäne keŋ jolaqty internet tartuǧa Ükımetten şaralar qabyldanyp jatqanyn habarlady. Iаǧni, memlekettıŋ alǧa qoiǧan josparyna sai 2025 jylǧa deiın barlyq auyl internetke qosylady. Öŋır äkımı atalǧan ekı auylda tūrǧyndardy jeke sūraqtarymen qabyldap, talap-tılekterın nazarǧa aldy. Būdan soŋ 1960 jyly qabyrǧasy qalanǧan Jienbet negızgı mektebıne baǧyt būrdy. Onda üş bırdei oqu ǧimaraty nebary 100 oquşyǧa şaqtalǧan. Sebebı auyl tūrǧyndary eskı meşıttıŋ ǧimaratyn sport zal, al ekı bırdei jer üidı oqu ǧimaraty retınde paidalanuda. Saman kırpışten tūrǧyzylyp, bügınde tozyǧy jetken ǧimarattar jöndeuge kelmeidı. Auyldaǧy mektep jaiyn bılıp otyrǧan basşylar 100 oryndyq bılım oşaǧynyŋ jobalyq-smetalyq qūjattaryn äzırlegen. Endı 15 künde merdıger kompaniia anyqtalsa, qūrylys jūmystary da köp ūzamai bastalmaq. Nūrjan Moldiiarūly sapar barysynda qūrylysy ūzaǧan Töle bi audany, Äl-Farabi atyndaǧy orta mektepke de arnaiy bardy. 300 oquşyǧa şaqtalǧan mektep qūrylysynyŋ 70 paiyzy aiaqtalǧanymen, qalǧan bölıgı tūralap qalǧanyna bırneşe aidyŋ jüzı bolǧan. Qūjat boiynşa mektep, tamyz aiynda paidalanuǧa berıluı kerek. Alaida, mamandar jūmysşylar üş auysymmen eŋbek etse de qūrylysty oqu jylynyŋ basyna deiın aiaqtauǧa äleuet jetpeitının aituda. Qūrylys basynda merdıger «Sūŋqar 2002» serıktestgınıŋ ökılı jūmys byltyr bastalyp, biyl qūrylys zattarynyŋ qymbattaǧanyn aityp aqtaldy. Dese de oblys äkımı Nūrjan Moldiiarūly merdıger kompaniia jūmysty apta ışınde bastamasa, şara qoldanu kerektıgın jauapty mamandarǧa eskertıp aitty. Audandaǧy sapary barysynda oblys äkımı Nūrjan Moldiiarūly qūrylysy aiaqtalyp, qondyrǧylary ornatylǧaly tūrǧan zaman talabyna sai oŋaltu ortalyǧy men eŋselı Oquşylar saraiyna da bas sūqty. Oŋaltu ortalyǧy juyrda paidalanuǧa berılse, Densaulyq saqtau basqarmasynyŋ basşysy Äset Qaliev, jūmysqa 20 mamannyŋ tartylatynyn aitty. Sol sekıldı äzırge qajettı qūrylǧylarmen tolyqtai jabdyqtalmaǧan Oquşylar saraiyn da öŋır basşysy nazarǧa aldy. Biyl paidalanuǧa berılgen ǧimaratta 6 üiırme bar bolsa, oqu jylynyŋ basynda 300 juyq oquşy keledı dep josparlanuda. Mekeme direktory Naǧima Raiqūlovanyŋ aituynşa, Oquşylar saraiynda 50 üiırme aşyp, myŋnan astam oquşy qamtuǧa bolady eken. Sonymen biyl üiırmelerdı jasaqtauǧa biudjetten 50 million teŋge qaralsa, qalǧan qarjy keler jyly bölınedı.
