"Taılandqa baryp, jeke bıznesimdi dóńgeletemin" dep sengen qazaqstandyq aktrısa Ánel Bermaǵanbetova quldyqqa túskenin málimdedi. Bul týraly ol óziniń ınstagram paraqshasynda habarlady, dep jazady "Adyrna" ulttyq portaly.
"Ushaqtan túskenimde barlyq suraqtarym (vıza, bagaj) boıynsha kómektesken adamdar kútip aldy. Meni jeke júrgizýshi, vıp kólip, ádemi qonaqúıdegi keń bólmemen qamtamasyz etti. "Neni qalaısyń soǵan tapsyrys bere ber, bárin kompanııa kóteredi" dedi. Ishteı "shynymen bári de ras bolǵany ǵoı" degen oıǵa keldim. Biraq tańerteń uıqydan apatııalyq kóńil-kúımen oıandym, emoııamdy bildirmeı, "aýa-raıy qandaı tamasha" dep qonaqúıden shyǵyp kettim. Jeke júrgizýshim kútip aldy. Áýejaıǵa jol tarttyq. Sol jerden Chıangraıǵa ushtyq, odan ary qaraı 2,5 saǵat bir aýylǵa apardy. "Ánel, osymen bári bitti" dedim ózime. Tólqujatty baqylaý beketine bardyq, taılandyqtar bir-birine basyn ızep, elden shyqty dep tulqujatyma mór basyp berdi”, – deıdi Ánel.
"Ol jaqta meni eshkim qarsy alǵan joq. Ýaıymǵa ábden salyndym. Qytaı menedjerleri "sizdi kútip alýǵa kele jatyr" dedi. Sóıtip bir jaǵymsyz qytaı keldi, túrinen alaıaq ekenin birden baıqadym. Ol men úshin polıııaǵa aqsha tólep, PTR-test pen qan tapsyrdym. Sodan keıin meni qytaı taǵamymen tamaqtandyrdy. Ol meni kompanııanyń keńsesine alyp kelgen boıda, meni aldaǵandaryn túsindim", - deıdi ol.
"8 adam turatyn bólmeni kórgende, men shoshyp kettim. Tipti jylap jiberdim. Ol jaqta kileń shoshqalardyń ómir súrip jatqany birden baıqaldy. Las, kir, dýsh joq, temeginiń qaldyqtary... Meniń aǵam men tanystarym polıııaǵa aryz túsirdi. Vetnam men Taıland elshiligine, sondaı-aq, Laos syrtqy ister mınıstrligine shaǵymdandy. Olar meni osy jerden qalaı alyp shyǵamyz dep qamdanyp otyr. Sebebi, bul jaqta bárin qytaılyqtar satyp alǵan", - dep jazdy Ánel.
"Laosqa kelgenime tórt kún boldy. Men bólmeniń esigin jaýyp alyp, eshkimdi kirgizbeı otyrmyn. Keshe basshylyqtaǵy qytaılyqpen sóılesip, bul jerde jumys istemeıtinimdi jáne jolǵa ketken shyǵynnyń bárin ótep, úıge qaıtatynymdy jetkizdim. Ol maǵan "bul saǵan kelip-ketetin jer emes, bir jylǵa qalýyń kerek" dedi. Sáıkesinshe, men shoshym kettim. Investıııa tartýǵa baǵyttalǵan kompanııa alaıaq bolyp shyqty. Maǵan klıenttermen jumys jónindegi menedjerdiń jumysyn oryndaý kerek boldy", - deıdi ol.
Qyzylorda oblysy Polıııa departamenti bul derekke qatysty QR Qylmystyq kodeksiniń 126-baby 1-bóligi boıynsha (Adam urlaýǵa baılanysty emes bas bostandyǵynan zańsyz aıyrý) qylmystyq is tirkelip, sotaldy tergep-tekserý bastalǵanyn habarlady.
"Tergep-tekserý nátıjesinde anyqtalǵan málimetterge sáıkes resmı aqparattar qosymsha usynylady. Oqıǵa týraly QR Syrtqy ister mınıstrligine habarlandy. Jábirlenýshiniń aǵasymen baılanys ornatyldy. Sonymen qatar, QR Konsýldyǵy departamentine hat joldandy", - delingen habarlamada.
Ánel Bermaǵanbetovanyń jaǵdaıyna qatysty Syrtqy ister mınıstrligi de málimdeme jasady.
"Bıyl 19 tamyzda bizdiń otandasymyz konsýlmen baılanysqa shyǵyp, óziniń jaǵdaıy týraly habarlady. Qazaqstan Respýblıkasynyń Hanoıdaǵy elshiligi Laostyń Syrtqy ister mınıstrligine azamatymyzdy qutqarýǵa barynsha kómek kórsetý týraly tıisti nota joldady. Laos polıııasy bul máselemen aınalysyp jatyr, erteń Laostyń SIM jáne IIM ókilderimen tıisti kelissózder ótedi", - delingen habarlamada.
Mınıstrlik habarlaýynsha, bizdiń otandasymyzǵa eshqandaı qaýip tónip turǵan joq.
"Jerlesimiz dıplomattarmen jáne týystarymen únemi baılanysta. Onyń aıtýynsha, qujattary men telefonyna tıispegen, telefon men ınternet baılanysyn shektemegen, sondaı-aq, kúsh qoldanbaǵan. Ol Taılandqa jáne odan ári óz erkimen barǵan. Sondaı-aq, Aneldiń aıtýynsha, jumys berýshiler onyń ushýyna, turýyna jáne basqa da shyǵyndaryna jumsaǵan qarajaty ótelse, jiberýge daıyn", - dep málimdedi QR SIM resmı ókili Aıbek Smadııarov.
Sonymen qatar bul másele Vetnamdaǵy elshiliktiń erekshe baqylaýyna alynǵany belgili boldy.
"Syrtqy ister mınıstrligi jáne QR Vetnamdaǵy elshiligi otandasymyzdyń elge oralýyna qajetti kómek kórsetedi. Qazaqstan SIM azamattarynan shetelde jumys isteý úshin qujattar men kelisimsharttarǵa qol qoıýǵa deıin jáne shetelge shyqqanǵa deıin olardy muqııat zerdeleýdi, sondaı-aq kútpegen jaǵdaılardyń týyndaýyn boldyrmaý úshin jumys berýshilerdi tekserýdi suraıdy", - dep habarlaıdy SIM-niń baspasóz qyzmeti.
Aıta keteıik, Ánel Bermaǵanbetova 2021 jyldyń sáýir aıynda jaryqqa shyqqan "Ofıs za chertoı" fılminde basty róldi somdaǵan.
"Adyrna" ulttyq portaly
