"Tańerteń bosatyldy" dedi Qostanaıdaǵy ÝK-161/2 mekemesiniń kezekshisi Azattyqqa.
Aqparatty Adam quqyǵyn qorǵaý bıýrosynyń zańgeri Gúlmıra Qýatbek te rastady. Túrme aldynan Ótegenovti belsendiler qarsy alǵan.
Qurmanǵazy Ótegenov 2006 jylǵy 14 shildede Almatynyń shetindegi Shańyraq eldimekeninde bolǵan oqıǵaǵa qatysqany úshin sottalǵan. Shańyraqta sot "zańsyz salynǵan" dep tanyǵan baspanalaryn súrýge kelgen bılik ókilderine jergilikti turǵyndar qarsylyq kórsetip, qaqtyǵys saldarynan polıııa qyzmetkeri qaza bolǵan. Osy oqıǵadan keıin tórt adam uzaq merzimge sottalǵan. Olardyń ekeýi 2020 jyly merziminen buryn shartty bostandyqqa shyqty.
"Shańyraq isi" boıynsha 18 jylǵa sottalyp, 15 jylyn túrmede ótkizgen, byltyr kúzde densaýlyǵyna baılanysty bosatylǵan dıssıdent, aqyn Aron Atabek túrmeden shyqqannan keıin kóp uzamaı aýrýhanada qaıtys bolǵan. Halyqaralyq quqyq qorǵaý uıymdary men jergilikti belsendiler onyń ólimine bılikti kinálap, túsinikteme berýdi talap etti. Halyqaralyq dárejede tergeý júrgizý qajettigin de alǵa tartty. Al belsendiler "Shańyraq isiniń" qaıta qaralýyn talap etti.
Sot úkimi boıynsha 16 jylǵa bas erkindiginen aıyrylǵan Qurmanǵazy Ótegenovtiń jaza merzimine 2013 jyly túrme ákimshiliginiń "zańdy talabyna baǵynbaǵany" úshin taǵy eki jarym jyl qosylǵan edi.
"Adyrna" ulttyq portaly
