Memleket basshysynyń «Ákimderdiń halyqpen kezdesýlerin ótkizý týraly» Jarlyǵyna sáıkes Jambyl oblysynyń ákimi Nurjan Nurjigitov Qordaı aýdanynyń turǵyndarymen kezdesip, azamattardy jeke máseleleleri boıynsha qabyldaýlar ótkizdi.
Basqosýǵa oblystyq quqyq qorǵaý organdarynyń basshylyq ókilderi de qatysty.
Aımaq basshysy aldymen Masanshy aýyldyq mádenıet úıinde jergilikti turǵyndarmen kezdesti. Kezdesýde aýyldyqtar kókeıde júrgen ózekti saýaldaryn joldap, jaýaptar aldy.
Oblys ákimi aýylda sońǵy jyldary aıtarlyqtaı oń ózgerister oryn alyp, kóptegen jumystar atqarylǵanyn aıtyp, basqa da máseleler kezeń-kezeńimen sheshiletiniń jetkizdi.
Dál osyndaı kezdesý Qordaı aýylynda da ótti.
- Memleket basshysynyń Jarlyǵyna sáıkes ózderińizben kezdesip otyrmyz. Buǵan deıin oblystaǵy túrli deńgeıdegi ákimder turǵyndarmen 375 kezdesý ótkizdi. Jergilikti halyqpen kezdesip, oı-usynystary men máselelerin tyńdaý, olardy zań aıasynda sheshý úshin sharalar qabyldaý boıynsha jumystar jalǵasatyn bolady. Biz sizderdi tyńdaýǵa qashan da daıynbyz,- dedi Nurjan Nurjigitov óz sózinde.
Suraq-jaýap kezeginde turǵyndar kógildir otyndy úıge tartý qunynyń qymbattyǵyn, aýyz sý, tyńaıtqysh tapshylyǵy, mýzyka mektebin salý, jańa mýzeı ǵımaratynyń qurylysyn júrgizý jáne taǵy da basqa máselelerge nazar aýdartty.
Aımaq basshysy kezdesýlerde kóterilgen máselelerdiń barlyǵy nazarǵa alynatynyn atap ótti.
Basqosýdan soń oblys ákimi aýyldyqtardy jeke máseleleri boıynsha qabyldaýlar ótkizdi.
- Biz elimizdiń órkendeýin qalasaq zańdylyq pen tártipti saqtaýǵa tıispiz. Halyq pen bılik ózara túsinisip, eki jaqty jaýapkershilikti sezingende ǵana máselerdi sheshýde nátıjege qol jetkize alamyz,-dedi Nurjan Nurjigitov.
