Temirjolshylardyń para berý áreketi vıdeoǵa túsip qaldy

3349
Adyrna.kz Telegram
Foto: vıdeodan alyndy
Foto: vıdeodan alyndy
Temirjolshylardyń para berý áreketi vıdeoǵa túsip qaldy. "Jolaýshylar tasymaly" akıonerlik qoǵamynyń Nur-Sultan qalasy boıynsha ýchaskesiniń bastyǵy men onyń orynbasary zańsyz aqsha jınaǵany úshin jumystan qýyldy. Oǵan qosa, iri kólemde aıyppul tóleýge mindetteldi. Bul týraly qarjylyq monıtorıng agenttigine málimdedi, dep habarlaıdy “Adyrna” ulttyq portaly.
Resmı málimetke sáıkes, paramen ustalǵan basshylar "Ekspress" fılıalynda jumys istegen. Ekeýi ózine qarasty ýchaske arqyly ótken "Tulpar-Talgo" poıyzdaryn teksermegeni úshin aqsha talap etken.
Agenttiktiń Nur-Sultan qalalyq departamenti zańbuzýshylyqty vıdeoǵa túsirip alǵan. Onda poıyz basshylarynyń aqsha berip jatqany kórinedi. Bireýi qolma-qol berse, endi bireýi ústeldiń ústinde turǵan zattardyń astyna tyǵyp otyrǵan. Barlyǵy 27 epızod anyqtaldy.
"Kináliler kommerııalyq uıymdarda basshylyq qyzmet atqarý quqyǵynan aıyryla otyryp, 6 mıllıon teńgege jýyq aıyppul tóleýge tıis ", - deıdi agenttik mamandary.
Al "Jolaýshylar tasymaly" akıonerlik qoǵamyna qylmystyq quqyqbuzýshylyq jasaýǵa yqpal etken mán-jaılardy joıý týraly usynys engizildi.
Vıdeony Telegram arnamyzdan kóre alasyz.
”Adyrna” ulttyq portaly 
Pikirler