Shymkentte basqarma basshysy para aldy degen kúdikke ilindi. Bul týraly Antıkordyń baspasóz qyzmeti jazdy, dep habarlaıdy «Adyrna» tilshisi.
«Shymkent qalasy boıynsha Sybaılas jemqorlyqqa qarsy qyzmet Shymkent qalasy mádenıet, tilderdi damytý jáne muraǵattar basqarmasy basshysynyń zańsyz áreketiniń jolyn kesti.
Ol óziniń qaramaǵyndaǵydan eńbek shartyn uzartqany jáne qyzmettegi jalpy qamqorlyǵy úshin 1 mıllıon teńge kóleminde para aldy dep kúdiktelýde»,—delingen habarlamada.
Qazirgi tańda sotqa deıingi tergeý jalǵasyp jatyr.
Qylmystyq-proestik kodeksiniń 201-babyna sáıkes ózge aqparat jarııa etýge jatpaıdy.
