5 aqpan künı Atyrau oblysy Qūlsary qalasyndaǧy mektepterdıŋ bırınde 10 synyp oquşysy qatarlastarymen bolǧan janjaldan keiın olardy baltamen qualaǧan. Saldarynan ekı oquşy jeŋıl dene jaraqatyn aldy. Būl turaly Atyrau oblystyq polisiia departamentı mälımdedı, dep habarlaidy "Adyrna".
"Habarlama tüsken boida oqiǧa ornyna polisiia qyzmetkerlerı jedel jetıp, jasöspırım anyqtalyp, ūstaldy. Oqiǧaǧa qatysuşylar men olardyŋ ata-analary polisiia bölımıne jetkızıldı. Atalǧan derek boiynşa būzaqylyq faktısımen qylmystyq ıs qozǧaldy. 15 jastaǧy küdıktı uaqytşa ūstau izoliatoryna qamalyp, Işkı ıster organdarynyŋ esebıne alyndy", - dep mälımdedı PD baspasöz qyzmetı.
Jinaqtalǧan materialdar şeşım qabyldau üşın kämeletke tolmaǧandardyŋ ısterı jönındegı komissiiaǧa joldanǧan. Sondai-aq jasöspırımnıŋ ata-anasyna qatysty kämeletke tolmaǧan balany tärbieleu jönındegı mındetterın tiısınşe oryndamaǧany üşın äkımşılık ıs qozǧaldy.
"Qylmystyq ıs aiasynda qylmysqa yqpal etken sebepter men jaǧdailardy joiu turaly bılım beru bölımıne ūsynys engızıldı. Tergeu qorytyndysy boiynşa bılım beru ūiymynyŋ lauazymdy tūlǧalarynyŋ, sondai-aq oqu ornyn küzetudı jüzege asyrǧan küzet agenttıgı qyzmetkerlerınıŋ äreketterıne qūqyqtyq baǧa berıletın bolady", - delıngen PD resmi mälımdemesınde.
