AQSh: 11 qyrkúıektegi shabýyldyń qupııasy ashylmaq

2500
Adyrna.kz Telegram

AQSh Ádilet mınıstrligi qaıǵyly oqıǵaǵa qatysty qujattarǵa aýdıt júrgizedi. Bul sheshim 11 qyrkúıektegi shabýyldyń 20 jyldyǵyna oraılastyrylyp otyr, dep habarlaıdy “Adyrna” ulttyq portaly zakon.kz saıtyna silteme jasap.

Ren.tv habarlaǵandaı, quzyrly mekeme qandaı qujattardan "asa qupııa" belgisin joıýǵa bolatynyn anyqtaýǵa nıetti. Qujattarǵa revızııa júrgizý týraly Ádilet mınıstriniń sózine túsinikteme bergen AQSh prezıdenti Djo Baıden adamzat tarıhyndaǵy eń iri teraktiniń belgisiz jaıttaryn jurtshylyqpen bólisýge degen nıetinen týyndap otyrǵanyn aıtty.

Qaza tapqandardyń otbasylary shabýyl qurbandaryn eske alý is-sharalaryna Baıdenniń qatysýyna narazalyq bildirdi, óıtkeni, olardyń pikirinshe, prezıdenttiń qujattardyń qupııalylyǵyn joıǵysy joq.

Amerıka Qurama Shtattarynyń turǵyndary bul qujattarda Saýd Arabııasy bıliginiń Nıý -Iorktegi egiz munaralarǵa soǵylǵan ushaqtardy basyp alýǵa qatysy mańyzdy aqparat bolýy múmkin dep sanaıdy. Basyp alynǵan ushaqtyń biri Pentagondy da súıkep ótti.

Kongressmen Týlsı Gabbard Saýd Arabııasynyń 2001 jylǵy qaıǵyly oqıǵalardaǵy rólin tolyq anyqtaýdy talap etti.

Ol bılik bul máselede Er -Rııadty "búrkemeleýi múmkin" dep sanaıdy. Bul rette Gabbard olardyń qandaı aqparat týraly aıtyp otyrǵanyn naqtylaǵan joq.

Alaıda, keıinirek júrgizilgen tergeýler Er-Rııad basshylyǵynyń shabýyldy uıymdastyrýshylardy qoldaǵany týraly eshqandaı dálel tappady.

Saýd Arabııasy shabýyldarǵa qatysy joqtyǵyn málimdedi, biraq ushaqty basyp alǵan 19 adamnyń 15 -i koroldik azamattary bolǵan. Mysyrlyq Muhammed Atta basqynshylar tobyn basqardy dep sanalady.

2001 jyly 11 qyrkúıekte AQSh -ta tórt jarylys boldy. Teraktiler saldarynan 3 myńǵa jýyq adam qaza tapty. Resmı nusqa boıynsha, shabýyldardy "Ál-Kaıda" uıymynyń (Qazaqstanda jáne birqatar elderde tyıym salynǵan uıym) músheleri jasaǵan.

Pikirler