Sankt-Peterburgte kölık jarylyp, Resei armiiasynyŋ polkovnigı qaza tapty, dep habarlaidy «Adyrna» tılşısı lenta.ru-ǧa sılteme jasap.
Oqiǧa 12 qaraşa künı taŋerteŋ Şuşary kentındegı Slavianka şaǧyn audanynda bolǧan. Saǧat 07:00 şamasynda Kolpino tasjolynda Resei polkovnigı basqarǧan avtokölık jarylǧan.
78.ru telearnasynyŋ mälımetınşe, qaza tapqan äskeri qyzmetker Äskeri-äue küşterı men äue qorǧanysy 6-armiiasynyŋ bas şturmany qyzmetın atqarǧan. Onyŋ aty-jönı äzırge jariialanǧan joq.
Aldyn ala mälımet boiynşa, belgısız bıreuler kölıktıŋ astyŋǧy bölıgıne jarylǧyş qūrylǧy bekıtken. Äskeri qyzmetker auladan şyǧyp bara jatqan kezde bomba qaşyqtan ıske qosylǧan.
Jarylys tūrǧyn üilerdıŋ janyndaǧy avtotūraqta, «Lenta» dükenı men janarmai qūiu beketıne jaqyn jerde bolǧan. Oqiǧa ornyna ört söndıruşıler jetıp, Kolpino tasjolyndaǧy kölık qozǧalysy uaqytşa toqtatylǧan.
Bastapqyda polkovnikpen bırge kölıkte onyŋ tuysy bolǧany habarlanǧan. Alaida keiın ofiserdıŋ kölıkte jalǧyz otyrǧany anyqtaldy. Mūny beinebaqylau kameralarynyŋ jazbalary rastaǧan. Äskeri qyzmetkerdı öltıru deregı boiynşa qylmystyq ıs qozǧalǧan.
«Mash na Moike» Telegram-arnasynyŋ habarlauynşa, qazırgı jarylys bolǧan jer 2026 jylǧy 27 tamyzda taǧy bır kölık jarylǧan aumaqtan şamamen 500 metr qaşyqtyqta ornalasqan. Sol kezde avtokölıkte Resei armiiasynyŋ podpolkovnigı men onyŋ jūbaiy bolǧan. Äskeri qyzmetker oqiǧa ornynda qaza tauyp, äielı jansaqtau bölımıne jetkızılgen.
BAQ mälımetınşe, qaza tapqan ofiser de Äskeri-äue küşterı men äue qorǧanysy äskerlerınde qyzmet etken. Ol oqiǧa kezınde de qoldan jasalǧan jarylǧyş qūrylǧy kölıkke bekıtılıp, qaşyqtan ıske qosylǧan.
Slavianka şaǧyn audany 2010 jyldary salynǧan. Resei Qorǧanys ministrlıgı mūnda kelısımşart boiynşa qyzmet etetın äskeri qyzmetkerler men zapasqa şyǧarylatyn ofiserler üşın päterler satyp alǧan. Tūrǧyn üi negızınen kapitan, maior, podpolkovnik jäne polkovnik sekıldı orta jäne joǧary buyn komandirlerıne, sondai-aq praporşikter men serjanttarǧa berılgen.
