Antaliada ötken COP31 klimattyq sammitınde Armeniia premer-ministrı Nikol Paşinian men Türkiia prezidentı Rejep Taiip Erdoǧan kezdestı. Būl turaly Armeniia premer-ministrı keŋsesınıŋ baspasöz qyzmetı jazdy, dep habarlaidy «Adyrna» tılşısı.
Mälımetke säikes, Erdoǧan Nikol Paşiniannyŋ Antaliaǧa saparyn jäne köşbasşylar sammitıne qatysuyn qūptaǧan.
Kezdesu barysynda taraptar Armeniia men Türkiia arasyndaǧy qarym-qatynasty qalypqa keltıru üderısın talqylap, ony ılgerıletıp, tüpkılıktı nätijege jetkızudıŋ maŋyzyn atap ötken. Osy rette būǧan deiın ötkızılgen kezdesuler men qol jetkızılgen kelısımderdıŋ, sondai-aq sauda-ekonomikalyq bailanystardy odan ärı damytu şaralarynyŋ maŋyzdylyǧyna toqtalǧan.
Sonymen qatar taraptar öŋırdegı ahualǧa qatysty pıkır almasqan. Nikol Paşinian men Rejep Taiip Erdoǧan Armeniia men Äzerbaijan arasynda beibıtşılıktıŋ ornauy aimaqtyq yntymaqtastyqty damytuǧa jaŋa serpın bergenın atap ötken.
Kezdesude kölık jäne kommunikasiialyq baǧyttardy būǧattan şyǧaru mäselesı de qozǧalǧan. Atap aitqanda, TRIPP jobasyn ıske asyruǧa baǧyttalǧan qadamdar talqylanǧan.
Eske salaiyq, būǧan deiın Armeniianyŋ qauıpsızdık keŋesınıŋ hatşysy Alen Simonian 70 jyldyq ideologiia Türkiiany jau körsetkenın aitqan edı.
