10 tamyz – Abaı kúni. Shymkentte el rýhanııaty úshin aıryqsha sanalatyn merekeni atap ótý 9 tamyzdan bastaldy. Qazaqtyń uly aqyny Abaı Qunanbaıulynyń 177 jyldyǵyna oraı Shymkent qalasynyń ortalyqtandyrylǵan kópshilik kitaphanalar júıesi eki kúndik «Kitap kerýeni» atty jyljymaly kitap kórmesin uıymdastyrdy.
«Ulylardyń ulysy – Abaı» taqyrybynda ótken is-sharaǵa shymkenttikter belsene qatysty. Oqyrmandar Arbat demalys aımaǵynda kórmege qoıylǵan aqynnyń óleń jınaqtary, qara sózderi, hıkmet kitaptarymen tanysty.
Uıymdastyrýshylar Abaı Qunanbaıulynyń ómiri men shyǵarmashylyǵy týraly qala turǵyndary arasynda vıktorınalyq oıyndar uıymdastyryp, jeńimpazdardy marapattady.
Aıta keteıik, jyljymaly kitap kerýeni Arbat alańynda búgin keshki saǵat 20.00-de jalǵasatyn bolady. Budan bólek, Shymkent qalasynyń ortalyqtandyrylǵan kópshilik kitaphanasynda búgin «Abaı ánderin birge shyrqaıyq» atty ádebı áýendi kesh ótedi.
