Qyrküiektıŋ 26-sy künı Oral qalasyndaǧy «Atameken» öner ortalyǧynda körnektı aǧartuşy, oişyl, aqyn, jazuşy Ǧūmar Qaraştyŋ tuǧanyna 150 jyl toluyna orai «Ūlttyq ruhty nyǧaitqan söz şeberı: Ǧūmar Qaraştyŋ mädeni-tarihi kelbetı» atty respublikalyq ǧylymi-teoriialyq konferensiia öttı.
Auqymdy şarany Batys Qazaqstan oblysy äkımdıgı men Batys Qazaqstan innovasiialyq–tehnologiialyq universitetı bırlese ūiymdastyrdy.
Ǧylymi konferensiia barysynda elımızdıŋ tükpır-tükpırınen kelgen belgılı ǧalymdar, ädebiettanuşylar, tarihşylar men ziialy qauym ökılderı bas qosyp, Ǧūmar Qaraştyŋ şyǧarmaşylyq, aǧartuşylyq jäne qoǧamdyq qyzmetın jan-jaqty talqylady. Şarany BQİTU-dyŋ filologiia ǧylymdarynyŋ kandidaty Mahambet Sabyr aşyp, jürgızıp otyrdy. Ol öz sözınde HH ǧasyr basyndaǧy qazaq ruhaniiaty men ädebietınde erekşe orny bar tūlǧanyŋ ömırı men eŋbegıne şolu jasady.
Ǧūmar Qaraş – san qyrly dara tūlǧa
Ǧūmar Qaraş – Alaş qozǧalysynyŋ ideialaryn qoldap, qazaqtyŋ ūlttyq sanasyn oiatuǧa bar küşın jūmsaǧan ırı qairatker. Ol – ūstaz, aqyn, publisist, oişyl ǧana emes, qazaq baspasözınıŋ alǧaşqy ūiymdastyruşylarynyŋ bırı, qoǧam qairatkerı retınde de tarihta öşpes ız qaldyrǧan tūlǧa. Konferensiiada osy qyrlary keŋınen söz boldy.
Almaty, Astana, Qyzylorda qalalarynan arnaiy şaqyrylǧan tarihşylar men ädebiet zertteuşılerı Ǧūmar Qaraştyŋ aǧartuşylyq qyzmetı men şyǧarmalaryndaǧy ūlttyq ideianyŋ körınısı, qoǧamdyq közqarasy, tıldık-körkemdık erekşelıkterı turaly mazmūndy baiandamalar jasady. Zertteuşıler onyŋ öleŋderı men publisistikalyq eŋbekterınen ūlttyq ruhty, azattyq pen bılımge ündeitın ideialardy tereŋ taldap körsettı.
Marapat pen qūrmet – eŋbegıne laiyq
Konferensiia aiasynda Jänıbek audany äkımınıŋ orynbasary Jannūr Ahmetov söz söilep, Ǧūmar Qaraştyŋ mereitoiyna orai öŋırde ötkızılgen auqymdy mädeni-tanymdyq ıs-şaralar legı turaly baiandady. Sonymen qatar, ol osy aituly dataǧa arnaiy daiyndalǧan tösbelgıler men merekelık medaldardy konferensiiaǧa qatysqan ǧalymdar men ädebiet ökılderıne saltanatty türde tabystady.
Būl qūrmet – ǧūlama ǧalymnyŋ eŋbegın ūlyqtap, onyŋ mūrasyn zerttep, nasihattap jürgen azamattarǧa körsetılgen zor alǧys pen tanymnyŋ belgısı.
Ǧūmyrlyq mūra – ūrpaqqa önege
Ǧūmar Qaraştyŋ eŋbekterı – tek tarihi qūndylyq emes, bügıngı künnıŋ de ruhani sūranysyna jauap beretın, jastarǧa baǧyt-baǧdar beretın asyl mūra. Onyŋ şyǧarmaşylyǧy men qoǧamdyq qyzmetı – ūlttyq bolmysymyzdy, tılımız ben dınımızdı, dılımızdı saqtap qaluǧa qyzmet etken ömırlık önege.
Konferensiia soŋynda qatysuşylar el ruhaniiatynyŋ damuyna zor üles qosqan Ǧūmar Qaraştyŋ esımın ūlyqtau, onyŋ eŋbekterın bolaşaq ūrpaqqa keŋınen nasihattau qajettıgın atap öttı.
