Foto: Getty Images
AQŞ Kongresınıŋ Ökılder palatasy Qorǧanys ministrı Pit Hegsetke impichment jariialau turaly qarardy qaraudy keiınge qaldyrdy. 10 qaraşada ötken dauys beru kezınde 211 kongressmen ūsynysty qoldasa, 204-ı qarsy şyqty. Nätijesınde qūjat palatadaǧy Qūqyqtyq mäseleler jönındegı komitettıŋ qarauyna jıberıldı, dep habarlaidy Reuters.
Atalǧan komitettı respublikaşyldar baqylaityndyqtan, ministrdı qyzmetınen şettetu bastamasy äzırge ıs jüzınde toqtap tūr. Būl mäsele Kongrestıŋ kelesı şaqyrylymy jūmysyn bastaǧanǧa deiın qaralmauy mümkın.
Jaŋa şaqyrylymdaǧy Kongress 2027 jylǧy 3 qaŋtarda jūmysqa kırısedı. Qaraşada ötken aralyq sailau qorytyndysy boiynşa Demokratiialyq partiia Ökılder palatasy men Senatta basymdyqqa ie bolady. Osydan keiın demokrattar Pit Hegsettı qyzmetınen şettetu mäselesın qaita köteruı yqtimal.
İmpichment jariialau üşın Ökılder palatasynda jai köpşılık dauysy jetkılıktı. Al Senatta ministrdı qyzmetınen bosatu turaly şeşım qabyldau üşın senatorlardyŋ üşten ekısı qoldauy qajet. Aita keteiık, AQŞ tarihynda osy uaqytqa deiın Qorǧanys ministrıne impichment jariialau äreketı bolmaǧan.
İmpichment turaly qarar jobasyn Kentukki ştatynan sailanǧan respublikaşyl kongressmen Tomas Massi ūsynǧan. Ol Pit Hegsettı ökılettıgın asyra paidalandy dep aiyptady. Atap aitqanda, kongressmen AQŞ-tyŋ Kongress rūqsatynsyz İrandaǧy soǧysqa qatysuyn synǧa alǧan.
Öz kezegınde Pit Hegset taǧylǧan aiyptardy joqqa şyǧaryp, bastamany «fars» dep atady. Pentagondaǧy baspasöz mäslihatynda ministr İrandaǧy soǧysqa qazırgı qoǧamdyq pıkırden özgeşe tarihi baǧa berıletının mälımdedı. Onyŋ ūstanymyn AQŞ prezidentı Donald Tramp ta qoldady.
