Resei men Ukraina arasyndaǧy qaqtyǧysty retteu jönındegı Abu-Dabide ötetın üşjaqty kelıssözderge Europa ökılderı qatyspaidy. Būl turaly Resei prezidentınıŋ baspasöz hatşysy Dmitrii Peskov mälımdedı, dep habarlaidy «Adyrna» tılşısı Report agenttıgıne sılteme jasap.
«Aldaǧy künderı Abu-Dabide Resei men Ukraina arasyndaǧy AQŞ-tyŋ deldaldyǧymen ötetın üşjaqty kelıssözder ūiymdastyrylady. Europa ökılderınıŋ qatysuyna kelsek, amerikalyqtardyŋ europalyqtarmen, ukrainalyqtardyŋ da europalyqtarmen özara bailanys ornatatyn jeke arnalary bar ekenın bılesızder. Olar qazır özara üilestıru tetıgın qalyptastyryp jatqan siiaqty», – dedı ol.
Bügın Politico basylymy Abu-Dabidegı kelıssözder kezınde Ūlybritaniia, Fransiia jäne Germaniianyŋ ūlttyq qauıpsızdık jönındegı keŋesşılerı «jaqyn maŋda bolatynyn» habarlaǧan edı. Sondai-aq basylym kelıssözderdıŋ barysyna qarai atalǧan elderdıŋ odan ärı qatysu mäselesı şeşıletının jazdy.
