Qyrǧyzstan prezidentı Sadyr Japarov elde jalaqyny mındettı türde indeksteu turaly zaŋǧa qol qoidy. Endı tauarlar men qyzmetter baǧasynyŋ ösuıne bailanysty azamattardyŋ tabysy da artyp otyrady. Būl turaly Kaktus.media jazdy, dep habarlaidy «Adyrna» tılşısı.
Jaŋa zaŋǧa säikes, jūmys beruşıler azamattardyŋ tabysy qūnsyzdanbauy üşın baǧanyŋ ösuıne qarai jalaqyny köteruge mındettı. İndeksteu tärtıbı ūjymdyq şarttarda, kelısımderde nemese ūiymdardyŋ ışkı normativtık qūjattarynda belgılenedı.
Banks.kg mälımetınşe, Qyrǧyzstanda jalaqyny mındettı indeksteu talaby būryn da bolǧan. Alaida 2025 jyly jaŋa Eŋbek kodeksı qabyldanǧannan keiın būl norma zaŋnan alynyp tastalǧan. Sonyŋ saldarynan azamattardyŋ ädıl eŋbekaqy aluǧa qatysty qūqyǧy saqtalǧanymen, baǧanyŋ ösuın öteuge arnalǧan naqty tetık zaŋnamada qarastyrylmai qalǧan.
Jogorku Keneş deputattary mındettı indeksteudı qaita engızu qajettıgın aqşanyŋ qūnsyzdanuymen tüsındırdı. Atap aitqanda, 2022–2024 jyldary eldegı jiyntyq infliasiia deŋgeiı 28 paiyzdan asqan. Sonyŋ saldarynan jalaqysy tūraqty türde qaita qaralmaǧan azamattardyŋ satyp alu qabıletı tömendegen.
Eŋbek kodeksınıŋ 91-babyna engızılgen tüzetuler osy olqylyqtyŋ ornyn toltyrady. Alaida jalaqy mölşerı barlyq qyzmetker üşın bırdei ärı avtomatty türde öspeidı.
Qosymşa tölemnıŋ mölşerı men ony esepteu tärtıbı jūmys salasyna bailanysty bolady. Biudjettık sala qyzmetkerlerı üşın tiıstı erejelerdı ükımet äzırleidı. Al jeke sektorda indeksteu mölşerı men merzımdılıgı jūmys beruşıler men qyzmetkerler arasyndaǧy ışkı kelısımder men şarttarda belgılenedı.
