2024 jylǧy 18 jeltoqsanda «Qazaqmys korporasiiasy» JŞS basqarma töraǧasy kenışterdıŋ brigadirlerımen kezdestı, dep habarlaidy “Adyrna” ūlttyq portaly.
Töraǧa Nūrahmet Nuriev Jezqazǧan öndırıstık alaŋyndaǧy kenışterdıŋ brigadirlerımen kezdestı. Jiynǧa Jezqazǧan qalasynyŋ äkımı Qairat Şaijanov pen Sätbaev qalasynyŋ äkımı Mūrat Börıbaev ta qatysqan.
Kezdesu barysynda jūmyskerler tarapynan köterılgen talaptar jan-jaqty talqylandy. Jiyn nätijesınde, jūmyskerlerdıŋ sūranysy boiynşa «13-şı jalaqyǧa» 30% üstemeaqy qosu turaly şeşım qabyldandy.
Sonymen qatar, 2025 jyldyŋ 1 qaŋtarynan bastap jalaqyny köteru boiynşa ekı nūsqa ūsynylǧan.
Iаǧni, jalaqy mölşerın qosymşa 8,5%-ǧa ūlǧaitu, öndırıstık jospardy oryndaǧany üşın 50 AEK kölemınde toqsandyq syiaqy beru ūsynylǧan. Būl toqsan saiyn 196 myŋ teŋgenı qūraidy.
Al ekınşı ūsynys - jalaqyy 15,6%-ǧa indeksteu.
Nūrahmet Nuriev jalaqynyŋ kürt jäne negızsız ösuı keibır kenışterdıŋ bäsekege qabılettılıgın joǧaltyp, jūmys oryndarynyŋ jabyluyna äkeluı mümkın ekenın atap öttı. Osyny eskere otyryp, jūmysşylarǧa ūsynylǧan şeşımder tüsındırılude.
2024 jylǧy 19 jeltoqsan, saǧat 09:00-degı jaǧdai boiynşa kelıssözder jalǧasady.
Aita keteiık, "Qazaqmys" korporasiiasy Jezqazǧantüstımetal öndırıstık bırlestıgıne kıretın Oŋtüstık-Jezqazǧan jäne Jylandy ken oryndary jūmysşylarynyŋ talaptaryna jauap bergenı turaly jazǧan edık.
Ūqsas jaŋalyqtar
