Almaty qalasyndaǧy Respublikalyq fizika-matematika mektebı (RFMM) filialynyŋ direktory qyzmetınen kettı. Qazan aiynda mekteptıŋ 58 oquşysy jedel ışek infeksiiasynyŋ belgılerımen auruhanaǧa jatqyzylǧan bolatyn, dep habarlaidy «Adyrna» tılşısı.
Mekteptıŋ baspasöz qyzmetı direktordyŋ öz erkımen qyzmetınen ketkenın mälımdegen.
Endı būl mındettı Almaz Künǧojin atqarady. Ol – matematika mamandyǧy boiynşa PhD doktory, sondai-aq RFMM tülegı. Künǧojin būǧan deiın 2018–2023 jyldary mekteptıŋ Almatydaǧy filialyn basqarǧan.
Eske salaiyq, 14 qazanda Almatydaǧy RFMM-nıŋ 50-ge juyq oquşysy jedel ışek infeksiiasynyŋ belgılerımen auruhanaǧa jatqyzylǧany belgılı bolǧan. Oqiǧadan keiın mektep uaqytşa onlain oqytu formatyna köşken. İnternat pen as blogynyŋ jūmysy toqtatylyp, sanitariialyq-epidemiologiialyq qyzmet mamandary ǧimarattardy tekserıp, zerthanalyq zertteuler jürgızu üşın synamalar alǧan. Sondai-aq Almaty polisiiasynyŋ RFMM oquşylarynyŋ jappai ulanu deregı boiynşa qylmystyq ıs qozǧaǧany belgılı boldy.
