Apelliasiialyq sot tırkelmegen Dempartiia köşbasşysy Janbolat Mamaiǧa şyǧarylǧan ükımdı özgerıssız qaldyrdy. Būl turaly belsendınıŋ jūbaiy, jurnalist İnga İmanbai aitty, dep habarlaidy “Adyrna” ūlttyq portaly.
Janbolat Mamaiǧa şyǧarǧan sot ükımı özgerıssız qaldy. 6 jyl şartty türde sottaldy, 6 jylǧa qoǧamdyq-saiasi, jurnalistık qyzmetten şettetıldı. Eşqandai özgerıs joq. Bügın Janbolattyŋ oqşauda otyrǧanyna 499 kün boldy. Küres mūnymen toqtamaidy. Endı Joǧary sotqa jügınemız, odan keiın BŪŪ komitetı bar. Qanşama halyqaralyq ūiymdar mälımdeme jasady, BŪŪ Jūmys toby şeşım şyǧardy. Soǧan qaramastan, bilık repressivtı saiasatyn jalǧastyrdy. Saiasi reforma, özgerıs degen osy ma?, – dep jazdy ol.Eske salaiyq, Janbolat Mamaiǧa «Qasaqana jalǧan aqparat taratu» (274-bap), «Bilık ökılın qorlau» (378-bap) jäne «Jappai tärtıpsızdıkter ūiymdastyru» (272-bap) boiynşa aiyptar taǧylǧan. Alǧaşqy ekı aiyptau 2021 jylǧy oqiǧalarǧa, al üşınşısı 2022 jylǧy qaŋtardaǧy oqiǧalarǧa qatysty.
Ūqsas jaŋalyqtar
