Jol salasyn qoldau jäne infraqūrylymdyq jobalardy ıske asyruǧa ekınşı deŋgeilı bankterdı tartu mäselelerıne arnalǧan döŋgelek üstel barysynda «QazAvtoJol» ūlttyq kompaniiasy, Halyk Bank jäne Qazaqstannyŋ taǧy ekı bankı arasynda kelısımge qol qoiyldy.
Kelısım boiynşa $700 mln-ǧa deiıngı kölemde qarjylandyrudy tartu közdelgen. Qarjylandyru būryn Qazaqstan Damu Bankınen (QDB) qoldau alǧan ūlttyq kompaniia jobalaryna arnalǧan investisiialyq puldy odan ärı damytuǧa jäne keŋeituge jūmsalady.
Būǧan deiın avtomobil joldaryn jöndeu jäne jaŋartu jobalaryn ıske asyru üşın QDB qarajaty tartylatyn. Jaŋa kelısımge säikes yntymaqtastyq ūzaq merzımdı formatqa ötedı, iaǧni qarjylandyru 2034 jylǧa deiın berıledı. Sindikattalǧan qarjylandyrudy ūiymdastyruşy jäne agent-bank Halyk Bank bolyp otyr.
Premer-ministrdıŋ orynbasary – ūlttyq ekonomika ministrı Serık Jūmanǧarin atap ötkendei, qol jetkızılgen uaǧdalastyqtar kredittık jüktemenı qarjy instituttary arasynda qaita böluge jäne jaŋa basym infraqūrylymdyq jobalardy qarjylandyru üşın QDB kredittık limitınıŋ bır bölıgın bosatuǧa mümkındık beredı.
«Memleket basşysy ekonomikanyŋ naqty sektoryn qarjylandyruǧa ekınşı deŋgeidegı bankterdıŋ neǧūrlym belsendı qatysuy jäne ırı jobalardy ıske asyruǧa jeke kapitaldy tartu qajettıgın bırneşe ret atap öttı. Bügın bız osyndai özara ärekettestıktıŋ naqty mysalyn körıp otyrmyz. Būl jerde söz jol qūrylysyna jaŋa qaryz alu turaly emes, kommersiialyq bankterdıŋ qarajaty esebınen QDB aldyndaǧy qoldanystaǧy mındettemelerdı qaita qarjylandyru turaly bolyp otyrǧany asa maŋyzdy. Būl bank sektorynyŋ infraqūrylymdy qarjylandyruǧa qatysuyn arttyryp qana qoimai, damu institutynyŋ resurstaryn jaŋa jobalardy ıske asyruǧa baǧyttauǧa mümkındık beredı»,— dep atap öttı vise-premer.
Halyk üşın būl jobaǧa qatysu – Qazaqstannyŋ kölık bailanysyn nyǧaituǧa, aimaqtardy damytuǧa jäne ūlttyq ekonomikanyŋ bäsekege qabılettılıgın arttyruǧa qosqan ülesı. Sondyqtan būl kelısımnıŋ maŋyzy bır ǧana qarjylyq mämılenıŋ aiasynan äldeqaida keŋ, dep atap öttı Halyk basqarma töraiymy Ümıt Şaiahmetova:
«El üşın jüielık maŋyzy bar jobalardy qoldau – Halyk üşın basym baǧyttardyŋ bırı. Bız būl kelısımge qatysudy Qazaqstan ekonomikasy men serıktesterımız aldyndaǧy ūzaq merzımdı jauapkerşılıgımız retınde qarastyramyz. Bankterdıŋ bırlesıp qatysuynyŋ maŋyzdylyǧyn da erekşe atap ötkım keledı. Qarjylyq resurstar men käsıbi saraptamany bırıktıru osyndai auqymdy jobalardy qoldauǧa jäne olardy ıske asyrudyŋ barlyq kezeŋınde tiımdı özara ıs-qimyl ornatuǧa mümkındık beredı».
Ekınşı deŋgeidegı bankterdı jol infraqūrylymyn damytuǧa tartu ışkı investisiialyq resurstardy qosymşa jūmyldyruǧa jäne ırı ūlttyq jobalardyŋ memlekettık qarjylandyruǧa täueldılıgın tömendetuge mümkındık beredı. Mūndai tetık kommersiialyq bankterdıŋ, biudjet şyǧystaryn jūmsamai-aq, ekonomikany damytuǧa anaǧūrlym belsendı qatysuyna jaǧdai jasaidy.
