Şymkenttıŋ «Ordabasy» futbol kluby merzımınen būryn Qazaqstan Premer-ligasynyŋ chempiony atandy, dep habarlaidy «Adyrna» tılşısı.
Moldovalyq maman Andrei Martin jattyqtyratyn komanda 29 matchta 68 ūpai jinady. Jeksenbıde almatylyq «Qairat» syrt alaŋda «Aqtöbemen» kezdesıp, 2:2 esebımen teŋ tüstı. Osy nätijeden keiın almatylyq klubtyŋ enşısınde 64 ūpai boldy.
Osylaişa, «Ordabasy» öz tarihynda ekınşı ret Qazaqstan chempiony atandy. Şymkenttık klub alǧaşqy chempiondyq ataǧyn 2023 jyly jeŋıp alǧan edı. Odan keiın ekı mausym qatarynan chempiondyq trofei «Qairatqa» būiyrǧan.
Biyl «Ordabasy» Qazaqstan kubogynyŋ finalynda da öner körsetedı. Qyzylordalyq «Qaisarǧa» qarsy şeşuşı match 7 qaraşada «Türkıstan Arena» stadionynda ötedı.
«Qairat» QPL mausymyn ekınşı orynmen aiaqtaidy. Al qola jüldege «Astana» men kökşetaulyq «Oqjetpes» talasyp jatyr.
