Pavlodarda stomatologiialyq em kezınde jaǧdaiy kürt naşarlaǧan üş jastaǧy qyz bala jansaqtau bölımıne jatqyzyldy, dep habarlaidy “Adyrna” tılşısı.
Qazır bala ökpenı jasandy jeldetu apparatyna qosylǧan. Būl aqparatty Pavlodar oblysynyŋ densaulyq saqtau basqarmasy rastady.
Äleumettık jelıde taraǧan aqparatqa säikes, oqiǧa 21 qazanda qalalyq stomatologiialyq klinikalardyŋ bırınde bolǧan. Balanyŋ tuysynyŋ aituynşa, tıs emdeu kezınde qyzdyŋ közı alaryp, tynys aluy būzylǧan.
Oqiǧadan keiın körşı kabinettegı medbike jedel järdem şaqyrǧan. Tuysynyŋ sözınşe, jedel järdem kölıgınde balanyŋ jüregı toqtap, keiın oblystyq balalar auruhanasynda taǧy da jürek toqtauy tırkelgen.
Pavlodar oblysynyŋ densaulyq saqtau basqarmasynyŋ mälımetınşe, 2023 jyly tuǧan qyz bala 21 qazanda saǧat 15:45-te oblystyq balalar auruhanasyna jetkızılgen. Ol qabyldau bölımın ainalyp ötıp, bırden jansaqtau bölımıne jatqyzylǧan.
«Qazır qyz bala ökpenı jasandy jeldetu apparatyna qosylǧan, qarqyndy em jürgızılıp jatyr», – dep habarlady basqarma.
Sondai-aq 22 qazanda Ana men bala ūlttyq ǧylymi ortalyǧynyŋ (UMC) jäne Ūlttyq ǧylymi kardiohirurgiialyq ortalyqtyŋ mamandarymen telemedisinalyq keŋes ötkızılgen. Mamandar nauqasty emdeu taktikasy men aldaǧy emdeu şaralaryn kelısken.
Basqarmanyŋ habarlauynşa, balanyŋ jaǧdaiy kün saiyn därıgerlerdıŋ qatysuymen ötetın konsiliumdarda baǧalanyp otyr. Jaǧdai densaulyq saqtau basqarmasy basşysynyŋ jeke baqylauynda.
Oqiǧanyŋ män-jaiyn qūqyq qorǧau organdary tekserıp jatyr. Tekseru nätijesı boiynşa qūqyqtyq baǧa berıledı.
