Ózbekstanda endi ánshiler konertterinde fonogramma paıdalanatyny týraly aldyn ala habarlaýǵa mindetteldi, dep habarlaıdy “Adyrna” ulttyq portaly Ferǵanaǵa siltep.
Bul týraly 11 naýryzda el prezıdenti Shavkat Mırzııoev qol qoıǵan jańa zańǵa sáıkes belgili boldy.
Ózgerister «Tutynýshylardyń quqyqtaryn qorǵaý týraly», «Jarnama týraly» jáne «Mádenı qyzmet jáne mádenı uıymdar týraly» zańdarǵa engizildi. Endi ónerpazdar ózderiniń jarnamalyq materıaldarynda konertte jandy daýyspen óner kórsetetinin nemese fonogrammany tolyq nemese ishinara paıdalanatynyn kórsetýi kerek. Sonymen qatar, konert baǵdarlamasynda tek oryndaýshynyń ǵana emes, án avtorlarynyń da esimderi jazylatyn bolady.
“Bul kórermenderge sanaly tańdaý jasaýǵa kómektesedi. Qandaı ánshi án aıtyp jatyr, kim mýzyka jazdy, oryndaý qanshalyqty tiri, fonogramma qoldanyla ma – barlyǵy aıqyn jáne ashyq bolady,” – dep túsindirdi Senat ókilderi.
Sonymen qatar, eldegi ónerpazdardyń qyzmetin rettep, lıenzııa berýmen aınalysatyn memlekettik «Ózbekkonert» uıymynyń basshysy aýysty. Bul qyzmetke Odıljon Abdýkahhorov taǵaıyndaldy. Ol buǵan deıin 2017-2020 jyldary osy mekemeni basqarǵan.
Ol bılik etken kezinde ánshilerdiń sahnadaǵy kıiný stıline, saqal qoıýyna jáne prezıdentke arnalǵan madaq ánderine syn aıtyp, olardy jıi tártipke shaqyrǵan edi.
Jańa zań resmı jarııalanǵannan keıin birden kúshine enedi.
