Foto: Aqorda
Memleket basşysy Qasym-Jomart Toqaev vise-prezident Erlan Qarindı qabyldady. Būl turaly Aqorda jazdy, dep habarlaidy "Adyrna".
Qasym-Jomart Toqaev vise-prezident Erlan Qarinnıŋ ışkı saiasattyŋ basym baǧyttaryn jüzege asyru, prezident tapsyrmalaryn oryndau men bastamalaryn ılgerıletu, sonyŋ ışınde bırınşı şaqyrylǧan Qūryltaidyŋ alǧaşqy sessiiasynyŋ aşyluynda jäne Qazaqstan Halyq keŋesınıŋ bırınşı sessiiasynda aitylǧan mındetterdı ıske asyru jönındegı esebın tyŋdady.
Atap aitqanda, vise-prezident konstitusiialyq qūndylyqtardy tüsındıru jäne nasihattau, "Taza Qazaqstan" jobasyn jüzege asyru, jaŋa qoǧamdyq etika qalyptastyru, "Zaŋ men tärtıp" qaǧidatyn ılgerıletu, "Adal azamat" bıryŋǧai tärbie baǧdarlamasyn engızu boiynşa atqarylǧan jūmystar jönınde baiandady.
Sondai-aq Memleket basşysyna etnosaralyq kelısımdı nyǧaitu, balalardyŋ qūqyǧy men müddesın qamtamasyz etu, memlekettık aqparattyq saiasatty jetıldıru sekıldı ışkı saiasattyŋ negızgı baǧyttary jönınde mälımet berıldı.
Kezdesu soŋynda prezident konstitusiialyq qaǧidattar men qūndylyqtar ūlttyq bolmys pen qoǧamdyq mädeniettıŋ ajyramas bölıgıne ainaluǧa tiıs ekenın atap ötıp, bırqatar tapsyrma berdı.
Qasym-Jomart Toqaevtyŋ aituynşa, patriotizm, jauapkerşılık, eŋbekqorlyq, bırlık jäne azamattardyŋ jasampaz maqsattar jolynda jūdyryqtai jūmyluy elımızdı qarqyndy damytudyŋ maŋyzdy alǧyşarttary sanalady.
