Memlekettik keńesshi Erlan Qarın áleýmettik jelidegi paraqshasynda jyldy qorytyndylap, bıyl júzege asqan saıası reformalarǵa sholý jasady, dep habarlaıdy «Adyrna» tilshisi.
Aıtýynsha, ótip bara jatqan 2023 jyl elimiz úshin tyń bastamalarǵa toly boldy.
«Bıyl saıası júıeniń jalpy kelbetin ózgertken jáne jańa ekonomıkalyq úlginiń negizin qalaǵan reformalar júzege asyryldy. Sondaı-aq azamattardyń qoǵamdyq qundylyqtar men normalardy qaıta qaraý, ózgertý qajettigin uǵynýyna yqpal etken oqıǵalar boldy.
2023 jyldyń birinshi jartyjyldyǵynda byltyr bastalǵan saıası reformalar iske asyryldy. Atap aıtqanda, Konstıtýııalyq Sot jumysyn bastady (1 qańtardan bastap), Parlamenti Senatynyń saılaýy ótti (14 qańtar), Májilis pen barlyq deńgeıdegi máslıhat depýtattary jańa ereje boıynsha saılandy (19 naýryz), Adam quqyqtary jónindegi ýákildiń mártebesi kúsheıtildi.
Osylaısha, birinshi jartyjyldyq saıası júıeni ınstıtýıonaldy turǵydan qaıta qaraý úshin qolǵa alynǵan kúrdeli úderistiń aıaqtalýymen qorytyndylandy»,—dedi ol.
Erlan Qarın 2023 jyldyń ekinshi jartyjyldyǵynda memlekettik saıasatta jalpyulttyq qundylyqtar júıesin qaıta qaraýǵa basymdyq berilgenin atap ótti.
«Bul jumys Prezıdent Qasym-Jomart Toqaevtyń Ulttyq quryltaıdyń ekinshi otyrysynda, ıaǵnı Túrkistanda sóılegen sózinen bastaldy (17 maýsym). Osy alqaly jıynda Memleket basshysy ultymyz úshin mańyzdy mynadaı negizgi ıdeologemalardy atap ótti: Táýelsizdik pen Otanshyldyq, Birlik pen Turaqtylyq, Ádildik pen Tilektestik, Zań men Tártip, Senim men Jaýapkershilik, Bilimpazdyq pen Kásibılik, Únemshildik pen Eńbekqorlyq. Keıin túrli oqıǵalar bul máseleniń mańyzdy ekenin kórsetti. Qoǵamda zań men tártipti saqtaý, áıelder men balalardyń quqyqtaryn qorǵaý, turmystyq zorlyq-zombylyqqa tosqaýyl qoıý, vandalızm men júgensizdikke qarsy kúresý jáne basqa da máseleler tóńireginde qyzý pikirtalas órbidi. Munyń bári jeke jáne qoǵamdyq mádenıettiń jańa normalaryn qalyptastyrýǵa jáne ony saqtaýǵa qalyń kópshiliktiń suranysy arta túskenin ańǵartady. Bir sózben aıtqanda, Qazaqstan ulttyń jańa sapasyn qalyptastyrýǵa kiristi. Bul – jańa, asa kúrdeli jáne óte mańyzdy mindet. Saıası reformalarǵa qaraǵanda, bul jerde zańnamany ózgertý nemese jańa ınstıtýttar qurý jetkiliksiz. Qoǵam sanasyn bir sátte ózgertý múmkin emes. Bul – kezeń-kezeńimen, birtindep júzege asyrylatyn tabıǵı úderis. Jańa qoǵamdyq etıka jańarǵan ulttyq mentalıtettiń negizi bolýy úshin oǵan baǵyt-baǵdar berip otyrý kerek. Mine, dál osy másele aldaǵy 2024 jyly qoǵam nazarynda bolýy múmkin»,—dep sózin tolyqtyrdy Memlekettik keńesshi.
