Foto Jİ-men jasalǧan
AQŞ prezidentı Donald Tramp äskeri qyzmetşını atu jazasyna sanksiia berdı, dep habarlaidy “Adyrna”.
Tramp Tehastaǧy Fort-Hud äskeri bazasynda 2009 jyly 13 adamdy öltırgen būrynǧy äskeri psihiatr Nidal Malik Hasanǧa şyǧarylǧan ölım jazasyn oryndauǧa sanksiia bergen. Ükımdı atu arqyly oryndau turaly ūsynysty AQŞ qorǧanys ministrı Pit Hegset engızgen.
Pentagon ökılı Şon Parnelldıŋ mälımetınşe, atu jazasynyŋ naqty uaqyty men orny äzırge belgılengen joq. Eger ükım osy täsılmen oryndalsa, būl AQŞ äskeri qyzmetşısıne qatysty 1945 jyldan berı alǧaş ret atu jazasynyŋ qoldanyluy bolady.
Nidal Malik Hasan 2009 jyly Fort-Hud äskeri bazasynda qaruly şabuyl jasap, 13 äskeri qyzmetşını öltırıp, taǧy 32 adamdy jaralaǧan. Şabuyl äskeri qyzmetşıler Auǧanstanǧa jıberıler aldynda medisinalyq tekseruden ötıp jatqan kezde bolǧan. Hasan oqiǧa ornynda polisiia tarapynan jaralanyp, keiın mügedekter arbasyna taŋylǧan.
2013 jyly äskeri tribunal Hasandy 45 bap boiynşa kınälı dep tanyp, ölım jazasyna kestı. Ol sot barysynda şabuyldy özı jasaǧanyn joqqa şyǧarmaǧan. Hasan äskeri qyzmetşılerdıŋ Auǧanstandaǧy soǧysqa attanuyna qarsylyq bıldırgenın aitqan.
AQŞ äskeri jüiesınde ölım jazasyn oryndau üşın prezidenttıŋ sanksiiasy qajet. Äskeri qyzmetşıge qatysty soŋǧy ölım jazasy 1961 jyly darǧa asu arqyly oryndalǧan. Al AQŞ-ta äskeri sottalǧan adamdy atu arqyly ölım jazasyna kesudıŋ soŋǧy belgılı jaǧdaiy 1945 jyldyŋ qaraşasynda tırkelgen.
