Almaty qalasynyŋ Türksıb audanynda janjal barysynda er adamǧa oq atylyp, ol auruhanaǧa jetkızıldı, dep habarlaidy "Adyrna" ūlttyq portaly.
Oqiǧaǧa qatysty qylmystyq ıs qozǧaldy.
Almaty qalalyq PD mälımetınşe, janjalǧa qatysqan ekı tanystyŋ arasynda kelıspeuşılık kündız qalanyŋ tömengı bölıgındegı dämhanalardyŋ bırınıŋ maŋynda bastalǧan. Bıraz uaqyttan keiın olardyŋ bırı tanysynyŋ üiıne barǧan. Üi maŋynda bolǧan kezektı söz talasy kezınde üi iesı aŋşylyq myltyq alyp şyǧyp, kelgen azamatqa oq atqan. Saldarynan 31 jastaǧy er adam oq jaraqatyn alyp, şūǧyl türde auruhanaǧa jetkızıldı.
Küdıktı oqiǧa bolǧannan keiın köp ūzamai ūstaldy. Atalǧan derek boiynşa adam öltıruge oqtalu faktısımen qylmystyq ıs qozǧaldy.
Qazır oqiǧanyŋ barlyq män-jaiy anyqtalyp jatyr. Sondai-aq tärkılengen aŋşylyq myltyqtyŋ şyǧu tegı men ony saqtaudyŋ zaŋdylyǧy tekserılude.
