Ǧūmar Serǧazin Atom energiiasy jönındegı agenttık töraǧasynyŋ orynbasary qyzmetınen kettı. Būl turaly bügın, 1 qazanda Aqordanyŋ baspasöz qyzmetı jazdy, dep habarlaidy «Adyrna» tılşısı.
«Memleket basşysynyŋ ökımımen Ǧūmar Ekpınūly Serǧazin Qazaqstan Respublikasynyŋ Atom energiiasy jönındegı agenttıgı töraǧasynyŋ orynbasary lauazymynan bosatyldy»,– delıngen habarlamada.
Ǧūmar Serǧazin būl lauazymǧa 2025 jyldyŋ 28 säuırınde taǧaiyndalǧan edı.
Ǧūmar Ekpınūly 1986 jyly Qostanai oblysynyŋ Jıtıqara qalasynda düniege kelgen. 2008 jyly «Qazaq-Amerika universitetın» zaŋger mamandyǧy boiynşa bıtırıp, 2013 jyly «Qazaqstan Respublikasy Prezidentınıŋ janyndaǧy Memlekettık basqaru akademiiasynda» memlekettık jäne jergılıktı basqaru magistrı därejesın alǧan. 2015 jyly Avstriiadaǧy «Atom energiiasy jönındegı halyqaralyq agenttıktıŋ Iаdrolyq qūqyq institutynda» oqyǧan. Al 2020 jyly «Ahmet Baitūrsynūly atyndaǧy Qostanai memlekettık institutyn» elektr energetikasy mamandyǧy boiynşa tämamdaǧan.
Eŋbek jolyn 2008 jyly «Astana qalasy Saryarqa audanynyŋ halyqqa qyzmet körsetu ortalyǧynda» bastap, 2011 jylǧa deiın inspektor, keŋesşı, bas inspektor jäne operasiialyq zal bastyǧynyŋ orynbasary bolǧan.
2011 jyly «BTA Bank» AQ zaŋ departamentınıŋ korporativtık biznestı qūqyqtyq qamtamasyz etu basqarmasynda nesie jobalaryn qūqyqtyq süiemeldeu bölımınıŋ zaŋgerı, zaŋ sektorynyŋ meŋgeruşısı bolyp jūmys ıstegen.
2011–2012 jyldary «Qūrylys jäne tūrǧyn üi-kommunaldyq şaruaşylyq ısterı agenttıgınıŋ» tūrǧyn üi qatynastary basqarmasynda sarapşy, bas sarapşy, al 2013–2014 jyldary «Öŋırlık damu ministrlıgınıŋ» osy baǧyttaǧy basqarmasynda bas sarapşy qyzmetın atqarǧan.
Energetika salasyndaǧy qyzmetı 2014 jyly bastalǧan. Sol jyly «İndustriia jäne jaŋa tehnologiialar ministrlıgınıŋ Memlekettık energetikalyq qadaǧalau jäne baqylau komitetınde» ışkı äkımşılendıru basqarmasyn, keiın zaŋ basqarmasyn basqarǧan.
2014–2016 jyldary «Energetika ministrlıgınıŋ Atomdyq jäne energetikalyq qadaǧalau men baqylau komitetınıŋ» zaŋ basqarmasyna jetekşılık etken.
2016–2017 jyldary «Energetika ministrlıgınıŋ» aqparattyq tehnologiialar jäne memlekettık körsetıletın qyzmetter departamentı direktorynyŋ orynbasary bolǧan.
2017 jylǧy qaŋtardan 2023 jylǧa deiın «Atomdyq jäne energetikalyq qadaǧalau men baqylau komitetı» töraǧasynyŋ orynbasary qyzmetın atqarǧan. Agenttıkke auysqanǧa deiın, 2023 jylǧy nauryzdan 2025 jylǧy 28 säuırge deiın «Energetika ministrlıgınıŋ» atom energetikasy jäne önerkäsıbı departamentın basqarǧan.
