Memleket basşysynyŋ ökımımen Erjan Aşyqbaev Qazaqstan Respublikasynyŋ Syrtqy ıster ministrınıŋ bırınşı orynbasary lauazymyna taǧaiyndaldy, dep habarlaidy "Adyrna" ūlttyq portaly.
Erjan Aşyqbaev 1974 jylǧy 16 mausymda Almaty qalasynda düniege kelgen. Ol 1998 jyly äl-Farabi atyndaǧy Qazaq ūlttyq universitetın, 2012 jyly Garvard universitetınıŋ Dj.Kennedi atyndaǧy memlekettık basqaru mektebın tämamdaǧan. Mamandyǧy — halyqaralyq qatynastar jäne memlekettık basqaru magistrı.
Diplomatiialyq qyzmetın 1998 jyly Syrtqy ıster ministrlıgınıŋ Törtınşı departamentınde referent bolyp bastaǧan. Keiın ministrlıktıŋ ortalyq apparatynda türlı qyzmetter atqaryp, Qazaqstannyŋ Belgiiadaǧy elşılıgınde ıssaparda boldy.
2007–2011 jyldary Syrtqy ıster ministrlıgınıŋ Halyqaralyq aqparat komitetınıŋ töraǧasy jäne erekşe tapsyrmalar jönındegı elşı boldy. 2012 jyly Ükımettıŋ resmi ökılı ärı Premer-Ministr Keŋsesı basşysynyŋ orynbasary qyzmetın atqardy.
Sondai-aq, 2012–2013 jyldary Prezident Äkımşılıgınıŋ Syrtqy saiasat ortalyǧyn basqardy. 2013–2021 jyldary Syrtqy ıster ministrınıŋ orynbasary boldy. 2021 jyldan berı Qazaqstannyŋ AQŞ-taǧy Tötenşe jäne Ökılettı Elşısı qyzmetın atqarǧan.
Ol aǧylşyn, türık jäne fransuz tılderın erkın meŋgergen.
