Ýkraına men onyń odaqtastary Halyqaralyq qylmystyq sottyń sheshimimen Reseı prezıdenti Vladımır Pýtındi qamaýǵa alýdan bas tartqan Mońǵolııaǵa qarsy shara qoldanatynyn aıtty, dep habarlaıdy "Adyrna" ulttyq portaly.
Bul týraly Ýkraına syrtqy ister mınıstrliginiń resmı ókili Georgıı Tıhı X áleýmettik jelisinde habarlady.
«Mońǵolııa úkimetiniń Pýtındi qamaýǵa alý jónindegi HQK orderin oryndaýdan bas tartýy – Halyqaralyq qylmystyq sotqa aýyr soqqy...», - dedi.
Pýtın dúısenbi kúni Mońǵolııa eline is-saparmen keldi. Reseı prezıdenti Halhın-Goldaǵy keńes pen mońǵol qarýly kúshteriniń birlesken jeńisiniń 85 jyldyǵyna arnalǵan merekelik sharalarǵa qatysty. Sonymen qatar, taraptar tar jáne keńeıtilgen quramda kelissózder júrgizedi.
Reseı prezıdentiniń sapary Halyqaralyq qylmystyq sottyń ony «qamaýǵa alý týraly» orderine qatysty daý-damaı tusynda ótip otyr. Memleket basshysynyń baspasóz hatshysy Dmıtrıı Peskov jýrnalısterdiń osy másele boıynsha Azııa respýblıkasynyń bıligimen kelissózder júrgizilgeni týraly suraǵyna jaýap bere otyryp, sapardyń barlyq aspektileri muqııat daıyndalǵanyn aıtty.
