Qazaqstannyŋ Syrtqy ıster ministrlıgı Ündıstanda tergeuge alynǧan Qazaqstan azamatyna konsuldyq-qūqyqtyq kömek körsetıp jatyr. Būl turaly vedomstvonyŋ baspasöz qyzmetı mälımdedı, dep habarlaidy "Adyrna".
Ministrlıktıŋ habarlauynşa, qazaqstandyq diplomattar azamattyŋ jaqyndarymen bailanysta. Mäsele SIM-nıŋ baqylauynda.
Būǧan deiın ündıstandyq Times of India basylymy Qazaqstan azamaty, 34 jastaǧy velosport jattyqtyruşysy Maqsat Aiazbaevqa qatysty qylmystyq ıs qozǧalǧanyn jazǧan edı. Basylymnyŋ mälımetınşe, oǧan Ündıstandaǧy kämeletke tolmaǧandardy jynystyq qylmystardan qorǧau turaly POCSO zaŋy aiasynda aiyp taǧylǧan.
Oqiǧa Patiala qalasyndaǧy Ūlttyq ozyq täjıribe ortalyǧynda bolǧany habarlandy. Ündıstan polisiiasy qazaqstandyq mamandy ızdestıru jūmystaryn jürgızıp jatyr. Polisiianyŋ mälımetınşe, aryz tüskennen keiın onyŋ ornalasqan jerı anyqtalmaǧan. Qūqyq qorǧau organdary onyŋ pasportyn tärkılep, ızdestıru üşın ekı jedel top qūrǧan.
Qazaqstannyŋ Velosport federasiiasy Maqsat Aiazbaevtyŋ soŋǧy jyldary Qazaqstannan tys jerde, ündıstandyq tarappen jasalǧan kelısımşart negızınde eŋbek etkenın rastady. Ol Ündıstannyŋ ūlttyq velosport qūramasyn daiyndaumen ainalysqan. Federasiia mamannyŋ qazırgı uaqytta Qazaqstan ūlttyq qūramasyna qatysy joq ekenın atap öttı.
Ūiymnyŋ mälımetınşe, Ündıstannyŋ qūqyq qorǧau organdary atalǧan jaǧdai boiynşa tergeu jürgızıp jatyr. Al Ündıstannyŋ Velosport federasiiasy tergeu aiaqtalǧanǧa deiın Aiazbaevtyŋ qyzmetın uaqytşa toqtatqan.
Qazaqstandyq federasiia ıstıŋ barlyq män-jaiy anyqtalǧanşa qandai da bır tüpkılıktı qorytyndy jasauǧa asyqpauǧa şaqyrdy. Ūiym kınälılık tek zaŋda belgılengen tärtıppen anyqtalatynyn atap öttı.
