Buqaralyq aqparat quraldary ókilderimen ótken kezdesýde Jambyl oblysynyń ákimi aımaqta bıyl sýbsıdııaǵa 31,2 mlrd. teńge bólingenin jetkizdi. Bul kórsetkish ótken jylmen salystyrǵan 50 paıyzǵa artqan.
- Atalǵan qoldaý sharalarymen árbir aýyl, árbir kásipker, sharýlar qamtylýy tıis. Bul jumystardy nátıjeli iske asyrý – aýdan, aýyl ákimderiniń negizgi mindeti,-dep atap ótti Nurjan Nurjigitov.
Jalpy, 2021 jyly oblystyń aýylsharýashylyǵy salasyn qoldaýǵa barlyq kózderden 36,3 mlrd. teńge, onyń ishinde 19,4 mlrd. teńge sýbsıdııa qaralǵan bolsa, bıyl bul maqsatqa 60 mlrd. teńge bólinip otyr.
Sondaı-aq, aımaq basshysy 2019 jyly bastaý alǵan aýyl turǵyndarynyń turmystyq tabysyn jaqsartý baǵytyndaǵy pılottyq joba óziniń jalǵasyn tabatynyn aıtty.
- Bir aı buryn oblysqa arnaıy kelgen Úkimettik delegaııa jobanyń tıimdiligine kóz jetkizip, bul tájirıbeni el kóleminde taratý isin qolǵa alýda.
Ózderińizge belgili, jobanyń birinshi kezeńinde óńirdegi 11 aýyldyq okrýgke qarasty 25 eldi mekendegi 7 856 otbasy qamtyldy. Aıtarlyqtaı nátıjege qol jetkizdik. Bul maqsatta jalpy 9,2 mlrd. teńge nesıe qarajaty baǵyttaldy.
2021 jyly qaıtarylǵan nesıeler esebinen qosymsha 3 aýyldyq okrýgte joba jalǵasyn tapty.
Pılottyq jobamen óńirdegi qalǵan 139 aýyldyq okrýgterdi qamtýǵa qajetti qarjy kólemi 75,5 mlrd. teńgeni qurap otyr. Usynysymyz Úkimetten qoldaý tapty.
Bizde bul jobany ary qaraı nátıjeli júzege asyrý úshin tıisti kadrlar da, tájirıbe de jetkilikti,-dedi oblys ákimi.
Aıta keteıik, aǵymdaǵy jyly pılottyq joba aıasyndaǵy jeńildiktermen qamtý úshin oblystyń taǵy 10 aýyldyq okrýgi aıqyndalyp otyr. Bul baǵytqa 6,4 mlrd. teńge qarjy qajet. Qazirgi tańda jobanyń bes baǵyty boıynsha aýyldyq okrýgterdiń joba-esepteri naqtylanýda.
