Qazaqstan Halyq Keŋesınıŋ müşelerı Şahmūrat Mütälıp pen Gadji Gadjiev Kaspii teŋızındegı oqu-jattyǧu kezınde qaza tapqan äskeri qyzmetşılerdıŋ otbasylaryna qarjylai kömek körsetetınderın mälımdedı. Ekeuı de elımızdegı jaŋa konsultativtık organnyŋ qūramyna kıredı, dep habarlaidy "Adyrna".
Käsıpker ärı Qazaqstan boks federasiiasynyŋ prezidentı Şahmūrat Mütälıp Integra Construction KZ kompaniiasy qaza tapqan är äskeri qyzmetşınıŋ otbasyna 25 million teŋgeden böletının aitty.
«Kömek memlekettık qoldauǧa qosymşa retınde är otbasyǧa jeke baǧyttalyp körsetıledı», – dep jazdy Şahmūrat Mütälıp.
Ol Qazaqstan Halyq Keŋesınıŋ müşesı ärı käsıpker retınde qaza tapqan äskeri qyzmetşılerdıŋ otbasylarymen bırge qaiǧyny bölısu öz paryzy dep sanaitynyn atap öttı.
«Ärine, eşqandai qarjy ata-anaǧa balasyn qaitara almaidy. Bıraq däl osyndai sätte eşbır otbasy qaiǧysymen jalǧyz qalmauy kerek», – delıngen onyŋ ündeuınde.
Qazaqstan Halyq Keŋesınıŋ taǧy bır müşesı, Qazaqstan auyr atletika federasiiasynyŋ prezidentı Gadji Gadjiev te qaza bolǧan äskeri qyzmetşılerdıŋ otbasylaryna materialdyq qoldau körsetu turaly şeşım qabyldaǧanyn habarlady.
«Qazaqstan Halyq Keŋesınıŋ müşesı ärı elımızdıŋ sport qauymdastyǧynyŋ ökılı retınde qaza tapqan äskeri qyzmetşılerdıŋ otbasylaryna 100 million teŋge kölemınde materialdyq kömek körsetu turaly şeşım qabyldadym», – dedı Gadjiev.
Keŋes müşelerı qaza tapqandardyŋ tuǧan-tuystaryna, jaqyndary men ärıptesterıne köŋıl aitty.
Eske salaiyq, 24 qyrküiekte Kaspii teŋızınıŋ jaǧalauynda oqu-jauyngerlık tapsyrmany oryndau kezınde aua raiynyŋ kürt naşarlap, jeldıŋ küşeiuınen äskeri qyzmetşılerdı teŋız aǧyzyp ketken.
Ükımettık komissiianyŋ naqtylaǧan mälımetıne säikes, teŋızge 17 äskeri qyzmetşı ketken. Onyŋ 14-ı qaza tapty, üşeuı qūtqaryldy.
Qaiǧyly oqiǧaǧa bailanysty qylmystyq ıs qozǧaldy. Oqiǧanyŋ män-jaiyn anyqtau üşın arnaiy jedel-tergeu toby qūryldy.
Qazaqstan Prezidentı Qasym-Jomart Toqaev 25 qyrküiektı Qazaqstanda jalpyūlttyq aza tūtu künı dep jariialady.
