Premer-ministr Oljas Bektenov «QazAvtoJol» basqarma töraǧasy Darhan İmanaşevtıŋ jol qauıpsızdıgı boiynşa esebın tyŋdap, joldardyŋ sapasyna qatysty bırqatar mäselenı köterdı, dep habarlaidy "Adyrna".
Ükımet otyrysynda Darhan İmanaşev jyl basynan berı respublikalyq maŋyzy bar joldarda 2062 jol-kölık oqiǧasy tırkelgenın aitty. Onyŋ sözınşe, būl ötken jyldyŋ säikes kezeŋımen salystyrǧanda 10%-ǧa az.
Sonymen qatar respublikalyq maŋyzy bar joldardaǧy kölık qozǧalysynyŋ qarqyndylyǧy 30%-ǧa artqan. Osyǧan bailanysty joldardyŋ bırınşı jäne ekınşı sanattarynyŋ ūzyndyǧy ūlǧaiyp, beinemonitoring jüielerı men joldardyŋ injenerlık jabdyqtary jetıldırılıp jatyr.
Ükımet mälımetınşe, respublikalyq maŋyzy bar joldardyŋ 94%-y normativtık talaptarǧa säikes keledı. Al oblystyq jäne audandyq maŋyzy bar joldar boiynşa būl körsetkış 91%-dy qūraidy.
Premer-ministr Oljas Bektenov jol sapasyna qatysty mäseleler būǧan deiın de köterılgenın atap öttı.
«Prezident atap ötken barlyq kemşılık sızderdıŋ jūmystaryŋyzǧa da tıkelei qatysty. Sondyqtan jol sapasyn jaqsartu qajet. Jūmys ısteŋızder, äitpese būl mäsele boiynşa basqa adamdar jūmys ısteidı», – dedı Premer-ministr.
Ükımet basşysy jol qūrylysy men jöndeu jūmystarynyŋ sapasyn arttyrudy jäne anyqtalǧan kemşılıkterdı joiudy tapsyrdy.
