Batys Qazaqstan oblysynyŋ Jänıbek audanynda dala örtın söndıru kezınde Tötenşe jaǧdailar departamentınıŋ qyzmetkerı qaza tapty, dep habarlaidy "Adyrna" tılşısı.
Qaiǧyly oqiǧa 3 qyrküiekte qystaq aumaǧynda bolǧan. Äleumettık jelıde taraǧan aqparatqa säikes, ört söndıru jūmystary kezınde qūtqaruşy arnaiy kölıktıŋ astynda qalǧan. Kölıktı onyŋ ärıptesı basqarǧan. Aldyn ala mälımet boiynşa, qoiu tütın saldarynan jürgızuşı qyzmetkerdı baiqamai qalǧan.
Batys Qazaqstan oblysynyŋ TJD qyzmetkerdıŋ qaza bolǧanyn rastady. Alaida vedomstvo oqiǧanyŋ naqty män-jaiyn jariialamady.
«Örttı söndıru kezınde qyzmettık mındetın atqaryp jürgen TJD qyzmetkerı jaraqat aldy. Ol auruhanaǧa jetkızılgenımen, därıgerlerdıŋ kömegıne qaramastan köz jūmdy», – delıngen departament habarlamasynda.
Qazır atalǧan derek boiynşa tekseru jürgızılıp, oqiǧanyŋ barlyq män-jaiy anyqtalyp jatyr.
Tötenşe jaǧdailar departamentı marqūmnyŋ otbasyna qajettı kömek körsetılgenın, onyŋ ışınde jerleu räsımın ūiymdastyruǧa qoldau bıldırılgenın habarlady.
