Almaty oblysynyŋ Talǧar audandyq polisiia basqarmasynyŋ ekı qyzmetkerı sybailas jemqorlyqqa qatysty küdıkpen ūstaldy, dep habarlaidy "Adyrna" tılşısı.
Olar jergılıktı akvapark basşysynan özderı men tuystaryna qyzmetterdı tegın körsetudı talap ettı degen küdıkke ılıngen.
«Vremia» mälımetınşe, oqiǧa şılde aiynyŋ basynda Talǧardaǧy Aquasia Resort akvaparkınde bastalǧan. Demalys ornynda äielderdıŋ bırı jaraqat alǧannan keiın qauıpsızdık talaptaryn būzu deregı boiynşa qylmystyq ıs qozǧalǧan. Alaida tamyz aiynyŋ soŋynda qylmys qūramy bolmauyna bailanysty ıs toqtatylǧan.
Osy ıstı jürgızgen anyqtauşy men onyŋ basşysy keiın akvapark direktorynan özderı jäne otbasy müşelerı üşın bırqatar qyzmettı aqysyz ūsynudy talap etken. Atap aitqanda, olar kıru biletterın, meiramhana qyzmetın jäne demalys üilerın tegın paidalanudy sūraǧan.
Basylymnyŋ jazuynşa, ekı polisiia qyzmetkerı men olardyŋ jaqyn tuystarynyŋ tegın demaluynan akvaparkke şamamen 500 myŋ teŋge şyǧyn kelgen. Keiın tärtıp saqşylary būl qyzmetterdı aqysyz paidalanudy jalǧastyrmaq bolǧan.
Osydan keiın akvapark direktory Almaty oblysy Ūlttyq qauıpsızdık komitetı departamentınıŋ Sybailas jemqorlyqqa qarsy qyzmetıne aryzdanǧan.
Arnaiy qyzmet ökılderı ekı poliseidı ūstaǧan. Keiın olardyŋ qyzmettık kabinetterınde tıntu jürgızılgen. Operasiiaǧa Almaty oblysy Polisiia departamentınıŋ özındık qauıpsızdık basqarmasynyŋ qyzmetkerlerı de qatysqan.
Basylym mälımetınşe, ekı qyzmetker de jemqorlyq äreketterıne bailanysty qyzmetten bosatylǧan. Qazır anyqtauşy men onyŋ basşysyna qatysty qylmystyq ıs tergelıp jatyr.
