Bakude 4–11 qazan aralyǧynda ötetın dziudodan 2026 jylǧy älem chempionatyna qatysatyn Qazaqstan ūlttyq qūramasynyŋ aldyn ala qūramy jariialandy, dep habarlaidy “Adyrna” tılşısı.
Qazaqstandyq sportşylar jekelei jäne aralas-komandalyq jarystarda el namysyn qorǧaidy.
Jarysqa Olimpiada chempiony Eldos Smetov qatyspaidy. 34 jastaǧy sportşy Parij Olimpiadasynyŋ altyn, Rio Olimpiadasynyŋ kümıs jäne Tokio Olimpiadasynyŋ qola jüldegerı. Sonymen qatar ol 2015 jyly älem chempiony atanǧan.
Smetovtıŋ ornyna -60 kelı salmaqta Baqytjan Aman men Şerzod Davlatov synǧa tüsedı.
Qazaqstan qūramasynyŋ jekelei jarystaǧy qūramy:
Erler:
* -60 kg: Baqytjan Aman, Şerzod Davlatov;
* -66 kg: Nūrqanat Serıkbaev, Asyljan Jūbatqanov;
* -73 kg: Eset Quanov, Aŋsarbek Ǧainullin;
* -81 kg: Jalǧas Qairolla, Abylaihan Jūbanazar;
* -90 kg: Danil Krylov.
Äielder:
* -48 kg: Abiba Abujaqynova, Ǧaliia Tynbaeva;
* -63 kg: Esmigül Kuiulova;
* -78 kg: Aruna Jangeldina;
* +78 kg: Aqerke Ramazanova, Kamila Berlıqaş.
Aralas-komandalyq jarysta Qazaqstan sapynan erler arasynda Ersūltan Düisenhan (-73 kg), Danil Krylov (-90 kg), Ermahan Anuarbekov (-90 kg) jäne Jantılek Nūrtılepūly (+90 kg) tatamige şyǧady.
Äielder qūramyna Dina Mūhanbet (-57 kg), Dana Abdirova (-57 kg), Ashat Ajar (-70 kg), Möldır Narynova (-70 kg), Aqerke Ramazanova (+78 kg) jäne Kamila Berlıqaş (+78 kg) endı.
Aita keteiık, Eldos Smetov 19 qyrküiek pen 4 qazan aralyǧynda Japoniiada ötetın Aziia oiyndaryna qatysady.
