Oŋtüstık Koreia prezidentı Li Chje Mion 16 qyrküiekte Seulde Qazaqstan, Qyrǧyzstan, Täjıkstan, Türıkmenstan jäne Özbekstan basşylarynyŋ qatysuymen alǧaşqy sammit ötkızedı, dep habarlaidy "Adyrna".
Reuters deregınşe, jalpy sammitke deiın Li Chje Mion Ortalyq Aziia memleketterınıŋ basşylarymen jeke kelıssözder jürgızedı. Ekıjaqty kezdesuler 14–16 qyrküiek aralyǧynda ötedı.
Kezdesudıŋ negızgı taqyryptary sauda men investisiia kölemın arttyru, energetika salasyndaǧy yntymaqtastyqty keŋeitu, strategiialyq maŋyzy bar paidaly qazbalar jäne jetkızu tızbegın damytu mäselelerıne arnalady.
Oŋtüstık Koreia prezidentınıŋ aituynşa, sammit Seul men Ortalyq Aziia elderı arasyndaǧy qarym-qatynasty memleket basşylary deŋgeiındegı köpjaqty yntymaqtastyq formatyna şyǧaruǧa baǧyttalǧan.
Sammitke daiyndyq bırneşe ai būryn bastalǧan. Säuır aiynda Seulde Oŋtüstık Koreia men Ortalyq Aziianyŋ bes memleketınıŋ joǧary lauazymdy ökılderınıŋ alǧaşqy kezdesuı öttı. Al mausymda Taşkentte taraptardyŋ ekınşı kezdesuı ūiymdastyryldy. Kezdesuler barysynda sammittıŋ naqty nätijelerı men yntymaqtastyqty damytudyŋ tört baǧyty talqylandy. Olar – ärıptestıktı institusionaldandyru, beibıtşılık pen tūraqtylyq, innovasiia men örkendeu, sondai-aq gumanitarlyq bailanystar.
Oŋtüstık Koreia men Ortalyq Aziia elderınıŋ köpjaqty yntymaqtastyǧy 2007 jyldan berı jalǧasyp keledı. Sol jyly Oŋtüstık Koreia ükımetınıŋ bastamasymen «Koreia Respublikasy – Ortalyq Aziia» yntymaqtastyq forumy qūrylǧan. Jyl saiyn ötetın forumǧa Qazaqstan, Qyrǧyzstan, Täjıkstan, Türıkmenstan jäne Özbekstan qatysady. Platforma aiasynda ekonomika, gumanitarlyq sala jäne biznes baǧyttaryndaǧy bırlesken jobalar talqylanady.
Būǧan deiın forum ministrler deŋgeiıne köterılgen. Al 16 qyrküiektegı kezdesu būl yntymaqtastyq formatynyŋ alǧaş ret memleket basşylary deŋgeiınde ötuımen erekşelenedı.
